Mathayo 26:69 - MUMA MALER 2015

⁶⁹ To noyudo Petro obet oko e laru. Jatich moro manyako nodhi ire, mowachone niya, “In bende ne in kod Yesu ja-Galili.”

Motingʼo Loko Manyien

⁶⁹ Sa ma noyudo Petro obet oko e laru, jatich ma nyako moro nobiro ire mowachone niya, “In bende ne in gi Yesu ja-Galili.”

Mathayo 26:69 ပူးပေါင်းရင်းမြစ်များ

1 Ruodhi 19:13

Kane Elija owinjo kamano, nogeng’o wang’e gi lawe mar abola, kendo nowuok, mochung’ e dho rogo. Eka nowinjo dwol kapenje niya, “Elija, itimo ang’o ka?”

1 Ruodhi 19:9

Nodonjo e rogo moro, mobworoe. Eka wach Ruoth Nyasaye nobirone niya, “Elija, itimo ang’o ka?”

Zaburi 1:1

Ng’ama ok oyie gi puonj joma richo, kendo ma ok luw timbe joricho, kata ma ok riwre gi joma ochayo Nyasaye, en jahawi.

Mathayo 21:11

To oganda mane kowo Yesu nodwokogi ni, “Ma e Yesu, janabi moa Nazareth e piny Galili.”

Mathayo 26:3

To e kindeno, jodolo madongo kod jodong oganda ne jochokre e laru mar jadolo maduong’ ma nyinge Kaiafa.

Mathayo 26:58

To Petro noluwe gi chien nyaka laru mar jadolo maduong’. Nodonjo kanyo mobet piny gi jorit, mondo owinj giko mar wachno.

Mathayo 26:70

To ne okwer e nyimgi duto, kowacho ni, “Ok ang’eyo gima iwacho.” Eka noa kanyo, modhi e dho rangach.

Mathayo 26:71

Nyako machielo nonene kuno, mowacho ni joma ne ni kanyo niya, “Jali bende ne ni kod Yesu ja-Nazareth.”

Johana 1:46

To Nathaniel nopenjo ni, “Bende gimoro maber diwuog Nazareth adier.” Filipo to nodwoke ni, “Bi mondo ine.”

Johana 7:41

Jomoko to nowacho ni, “En e Mesia.” To ji moko nokwer ni, “Mesia ok nyal wuok Galili!

Johana 7:52

To ne gipenje ni, “In bende in ja-Galili koso? Som Muma, to ibiro yudo ni onge janabi manyalo wuok Galili!”

Tich Joote 5:37

Bang’ mano, Judas ja-Galili nobiro e ndalo mikwanoe ji, mi oloko ji mathoth oluwe, to en bende nonege, mi joge oke.