Mathayo 26:64 - MUMA MALER 2015

⁶⁴ Yesu nodwoke ni, “Ero, isewacho, to awachonu ni chakre kawuono, ubiro neno Wuod Dhano kobet e bat korachwich mar Nyasaye Ma Nyalo Gik Moko Duto, kobiro e boche polo.”

Motingʼo Loko Manyien

⁶⁴ Yesu nodwoke niya, “E en kaka iwachono. To awachonu un duto ni e ndalo mabiro unune Wuod Dhano kobet e bat korachwich mar Jal Maratego kendo kolor oa e boche polo.”

Mathayo 26:64 ပူးပေါင်းရင်းမြစ်များ

Zaburi 110:1

Ruoth Nyasaye ne owacho ni ruodha niya, “Bed abeda korachwich ka nyaka chop aket wasiki obed raten tiendi.”

Isaya 19:1

Wach mane Nyasaye onyiso fweny kuom Misri e ma: Neuru kaka Ruoth Nyasaye biro piyopiyo e boche polo. Obiro e piny Misri, emomiyo nyiseche manono mag Misri kirni.

Daniel 7:13

Kane aleko gotienono ne aneno gima chalo dhano kabiro ei boche polo, mi oter ir ng’at ma nyaka nene.

Mathayo 16:27

Wuod Dhano nobi gi malaikane e duong’ maler mar Wuon mare, eka nomi ng’ato ka ng’ato pok moromo gi timne.

Mathayo 16:28

Awachonu adier ni nitie jomoko kuomu ka, ma ok notho kapok oneno Wuod Dhano kabiro gi lochne.”

Mathayo 22:44

‘Ruoth Nyasaye nowacho ni Ruodha ni, “Bed e bada korachwich ka, nyaka chop aket wasiki e bwo tiendi.” ’

Mathayo 24:30

“Bang’ mano ranyisi ma nyiso ni Wuod Dhano chiegni duogo nonenre e kor polo, mi ogendini duto manie piny noywagre, kendo ginine Wuod Dhano kabiro e boche polo gi teko kod duong’ maler.

Mathayo 25:31

Bang’ mano Yesu nowacho niya, “Ka Wuod Dhano obiro e duong’ne maler, kaachiel gi malaika duto, to nobedi e kom lochne man gi duong’,

Mathayo 26:25

To Judas, mane biro ndhoge, nopenje niya, “Japuonj an e ng’atno koso?” Eka Yesu nodwoke ni, “Isewacho.”

Mathayo 27:11

Yesu koro noter e nyim ruoth Pilato, mi ruoth nopenje niya, “In e ruodh jo-Yahudi koso?” Yesu to nodwoke ni, “In ema isewacho kamano.”

Mathayo 28:18

Yesu nosudo irgi, mowachonigi niya, “Osemiya teko duto e polo kendo e piny,

Mathayo 8:20

To Yesu nodwoke niya, “Bwe nigi buchegi, kendo winy bende nigi utgi. Wuod Dhano to onge kata gi kama ketie wiye.”

Mariko 14:62

Yesu nodwoke ni, “Ee an, kendo unune Wuod Dhano kobet e bat korachwich mar Ng’ama Nyalo Gik Moko Duto, kobiro e boche polo!”

Luka 21:27

Eka Wuod Dhano nothinyre, kabiro e bor polo gi teko malich kod duong’ maler.

Luka 22:69

To chakre kawuono, Wuod Dhano biro bet e bat korachwich mar Nyasaye Manyalo Gik Moko Duto!”

Luka 22:70

Eka ne gipenje giduto ni, “To kara, in e Wuod Nyasaye?” Nodwokogi ni, “Uwacho adier ni an e en.”

Johana 18:37

Eka Pilato nowachone ni, “Kara in ruoth.” To Yesu nodwoke ni, “In ema iwacho ni an ruoth. An to ne onywola, mi abiro e piny mana ni mondo awuo gi ji kuom adiera. Ng’ato ka ng’ato man gi adiera kuome to winjo dwonda.”

Tich Joote 1:11

Jogo nowachonigi niya, “Un jo-Galili, ang’o momiyo uchung’ kurango polo? Yesu mosegol kuomu, kitero malo e poloni, noduogi mana kaka useneno kodhino.”

Jo-Rumi 14:10

Koro in to, ere gima omiyo ing’ado ni owadu bura? Koso in, ere gima omiyo ichayo owadu? Donge ung’eyo ni wan duto wabiro chung’ e nyim kom bura mar Nyasaye?

1 Jo-Thesalonika 4:16

Chieng’no dwol moro nogol chik, kendo dwond malaika maduong’ nowinji, kendo tung’ mar Nyasaye noywagi, kendo Ruoth owuon nolor koa e polo. Eka joma notho koyie kuom Kristo nochier mokwongo.

Jo-Hibrania 1:3

En ema orieny kaka duong’ maler mar Nyasaye, kendo en e kit Nyasaye hie, kendo en ema omiyo gik moko duto osiko nikech wachne man gi teko. Kane en owuon oseloso yor pwodhruok kuom richo, nobet piny e bat korachwich mar Nyasaye manie polo.

Jo-Hibrania 12:2

Nyaka wachom wang’wa kuom Yesu ma jatendwa e yor yie, a chakruok nyaka giko. Ne oyie tho e msalaba, kochayo wichkuot mar tho ma kamano, nikech mor mane obiro yudo achien. To koro osebet piny e bat korachwich mar komduong’ mar Nyasaye.

Fweny 1:7

Neuru, obiro gi boche polo, kendo ng’ato ka ng’ato nonene. Jogo mane ochwowe nonene, kendo ogendini duto mag piny nobed gi kuyo nikech en. Ber mondo obed kamano! Amin.

Fweny 20:11

Eka ne aneno kom duong’ mang’ongo marachar kod jal mobetie. Piny gi polo noringo oa e nyime mi olal nono.