Mathayo 26:35 - MUMA MALER 2015

³⁵ To Petro nokone niya, “Ooyo, ok nakwedi ngang’ kata ka ochuno ni nyaka atho kodi.” Jopuonjrene mamoko duto bende nowacho mana kamano.

Motingʼo Loko Manyien

³⁵ To Petro nowacho koramo niya, “Kata ka ochuno ni nyaka atho kodi, to ok abi kwedi ngangʼ.” Kendo jopuonjre mamoko duto bende nowuoyo machalre gi Petro.

Mathayo 26:35 ပူးပေါင်းရင်းမြစ်များ

Wuok 19:8

Ji duto nodwoke rat niya, “Wayie timo gik moko duto ma Ruoth Nyasaye osewacho.” Mi Musa nodwoko ni Ruoth Nyasaye wach mane ji owacho.

Ngeche 28:14

Ng’at ma pile oluoro Ruoth Nyasaye en jahawi. Ng’ama wiye tek to masira mako.

Ngeche 29:23

Sunga ema miyo ji podho. Joma muol to yudo luor.

Mathayo 10:33

To ng’at ma okweda e nyim ji an bende anakwede e nyim Wuora mae polo.

Johana 13:37

Petro nochako openje ni, “Ruoth, ere gimomiyo ok anyal luwi sani. Ayie tho nikech in!”

Jo-Rumi 11:20

to ne ong’adgi oko nikech ne ok giyie, to un koro usiko asika kuom yath nikech uyie. To mano kik mi usungru, to beduru gi luoro e nyim Nyasaye.

1 Jo-Korintho 10:12

Emomiyo, ng’at ma paro ni ochung’ motegno mondo otang’ kik opodhi.

Jo-Filipi 2:12

Kuom mano, osiepena, kaka ne uwinjo wachna kane an kodu, koro ka an mabor kodu, to ber mondo uwinj wachna moloyo. Tiuru gi luoro kod kibaji, mondo umi warruok ochop kare,

1 Petro 1:17

Ka ulemo, to uluongo Nyasaye ni Wuoro, Jal mang’ado ni ji duto bura, kaka tim ng’ato ka ng’ato obet, ma ok odewo wang’ ng’ato, omiyo nyaka uluore ndalo duto ma udakgo ka welo e pinyka.