Mathayo 26:28 - MUMA MALER 2015

²⁸ nikech ma e remba, mochuer ni ji mang’eny, kitimonigigo Winjruok gi Nyasaye mondo owenigi richogi.

Motingʼo Loko Manyien

²⁸ Ma e remba mar singruok, mochwer ne ji mangʼeny mondo okel warruok kuom richo.

Mathayo 26:28 ပူးပေါင်းရင်းမြစ်များ

Jeremia 31:31

Ruoth Nyasaye wacho niya, “Ndalo biro ma anatimie singruok manyien gi dhood Israel kod dhood Juda.

Tim jo-Lawi 17:11

nikech ngima gimoro ni e rembe. Achiwo remo mondo otimgo misango e kendo-mar-misango mondo upwodhrugo, nimar remo, tiende ni ngima, ema ipwodhogo richo.

Zekaria 9:11

“To un, abiro duoko jou motue, ka agolo e bur motwo maonge pi, nikech singruok mane utimo koda gi remb misango.

Mathayo 20:28

mana kaka Wuod Dhano bende ne ok obiro mondo ji otine, to mana ni mondo oti ni ji, kendo mondo ochiw ngimane owargo ji mang’eny.”

Mathayo 26:27

Bang’e nokawo kikombe, kendo kane osegoyo ni Nyasaye erokamano, nomiyogi kowacho niya, “Madhuru uduto,

Mathayo 26:29

Awachonu ni chakre kawuono ok nachak amadh divai ngang’ nyaka chop amadh divai manyien kodu e piny Wuora.”

Mathayo 6:12

bende wenwae richowa, kaka waweyo ni joma timonwa marach.

Mariko 1:4

Kamano Johana Jabatiso notucho e thim, kalando wach ni mondo ji oyud batiso kaka ranyisi ni giseloko chunygi, mondo Nyasaye owenigi richogi.

Mariko 14:24

Eka nowachonigi ni, “Ma e remba mochwer ni ji mang’eny kitimonigigo Winjruok gi Nyasaye.

Luka 22:19

Eka nokawo makati, kendo kosegoyo ni Nyasaye erokamano, nong’ingo makatino, kowacho ni, “Ma e ringra mochiw nikech un. Timuru kamano mondo uparago.”

Luka 22:20

Kamano bende nokawo kikombe bang’ chiemo, kowacho niya, “Kikombe ni e remba, mochwer nikech un, kitimonugo Winjruok Manyien gi Nyasaye.

Jo-Rumi 5:15

To ng’wono mane Nyasaye otimo opogore mabor gi richo mane Adam otimo, nikech richo mar ng’ato achiel nokelo ni ji duto tho, to ng’wono mar Nyasaye, kod chiwo mane ng’at achiel ma en Yesu Kristo okelo nomiyo ji duto gweth mogundho.

Jo-Rumi 5:19

Bende kaka ji duto nodoko joketho nikech ng’at achiel notamore winjo wach, e kaka ji duto nobed e winjruok gi Nyasaye nikech ng’at achiel nowinjo wach.

1 Jo-Korintho 11:25

Kamano bende, bang’ chiemo, nokawo kikombe kowacho niya, “Kikombeni e remba, motimgo Winjruok Manyien gi Nyasaye. E kinde ka kinde mumadhee, to timuru kamano mondo uparago.”

Jo-Efeso 1:7

Nyasaye oseweyonwa richowa, kendo osewarowa nikech tho mar Kristo. Mano kaka mich

Jo-Kolosai 1:14

mane owarowa, kaweyonwa richowa.

Jo-Kolosai 1:20

Ne oyiero mondo omi gik moko duto obed gi winjruok kode kuom Kristo, kokelo kue kuom remb Wuode mane ochuer e msalaba. Adier, Nyasaye nomiyo gik moko duto manie polo kod manie piny obedo gi winjruok kode kuom Kristo, koda ka un bende.

Jo-Hibrania 10:29

To koro parieuru kum malit moloyo ma ng’at machayo Wuod Nyasaye onego yudi! Ng’at ma kamano osekawo remo mar singruok mane opwodhego ka gima nono, kendo osejaro Roho mar ng’wono!

Jo-Hibrania 13:20

Nyasach kue mane ochiero Ruodhwa Yesu oa kuom joma otho gi teko mar remb muma mochwere, mi okete Jakwath Maduong’ mar rombe,

Jo-Hibrania 9:28

Mano e kaka Kristo bende ne ochiw ka misango dichiel kende, mondo oting’ richo mag ji mang’eny, to obiro fwenyore kendo mar ariyo, to ok ni mondo ogol richo, to mana ni mondo okel warruok ni jogo morite.

1 Johana 2:2

En e misango magolo richowa, to ok richowa kende ema ogolo, to ogolo koda ka richo mar piny duto bende.

Fweny 7:14

To ne adwoke ni, “Jaduong’, in ema ing’eyo.” Eka ne owachona niya, “Magi e joma oseneno Sand Maduong’. Giselwoko lepgi e remb Nyarombo, mi gimiyo odoko marachere.

Fweny 7:9

Bang’ mano, ne ang’icho mi aneno ji mang’eny mokadho akwana moa e pinje duto gi dhoudi duto kod ogendini duto. Ne gichung’ e nyim kom duong’, kendo e nyim Nyarombo, ka girwakore gi lewni marachere, kendo giting’o othidhe e lwetgi.