Mathayo 26:14 - MUMA MALER 2015

¹⁴ Bang’e, ng’at achiel kuom jopuonjre Yesu apar gariyo, ma nyinge Judas Iskariot, nodhi ir jodolo madongo,

Motingʼo Loko Manyien

¹⁴ Eka achiel kuom ji apar gariyogo, mane iluongo ni Judas Iskariot, nodhi ir jodolo madongo,

Mathayo 26:14 ပူးပေါင်းရင်းမြစ်များ

Mathayo 10:4

gi Simon ma jakedo ne piny, kod Judas Iskariot, mane ondhogo Yesu.

Mathayo 26:25

To Judas, mane biro ndhoge, nopenje niya, “Japuonj an e ng’atno koso?” Eka Yesu nodwoke ni, “Isewacho.”

Mathayo 26:47

Kane Yesu pod loso, Judas, ma achiel kuom jopuonjre apar gariyo, notucho gi oganda maduong’ man gi ligengni kod arunge, koa ka jodolo madongo kod jodong oganda.

Mathayo 27:3

Kane Judas, jandhok Yesu oneno ni oseng’ad ni Yesu buch tho, chunye nodoko malit ahinya, nodwoko siling’ piero adek kande ni jodolo madongo kod jodong oganda,

Johana 12:4

Achiel kuom jopuonjre Yesu ma nyinge Judas Iskariot, jal mane biro ndhoge, nopenjo ni,

Johana 13:2

Yesu gi jopuonjrene ne koro chiemo. To noyudo Satan oseketo paro e chuny Judas wuod Simon Iskariot ni mondo ondhoge.

Johana 13:26

Yesu nodwoke ni, “Abiro luto kuon e tawo, to jal ma amiyo e en.” Eka noluto kuon e tawo, momiyo Judas iskariot,

Johana 13:30

To kane Judas osekawo kuonno, nowuok oko mana gikanyono. Koro ne en otieno.

Johana 18:2

To Judas mane oyudo ndhoge bende nong’eyo puodhono, nikech Yesu ne thoro chokore kuno gi jopuonjrene.

Tich Joote 1:16

Nowacho niya, “Owetena, wach mondiki e Muma nyaka ne timre. En wach mane Roho Maler omiyo Daudi okoro kuom Judas mane otelo ni joma ne omako Yesu.

Tich Joote 1:18

(Ng’at ma Judasni nong’iewo nong’iewo puodho gi pesa mane oyudo kuom richone. To nopodho piny gi bund iye kanyo, mi iye obarore, kendo dhokchinde oo oko.