Mathayo 25:5 - MUMA MALER 2015

⁵ To wuon kisera noriwore, omiyo ne ginur giduto, mi nindo oterogi.

Motingʼo Loko Manyien

⁵ Wuon Kisera nokawo sa mathoth kapok obiro, omiyo wengegi nobedo mapek kargi duto mi nindo noterogi.

Mathayo 25:5 ပူးပေါင်းရင်းမြစ်များ

Wer Mamit 3:1

Ne aleko jaherana otieno kotieno, ka anindo e kitandana. Ne amanye, to ne ok anyal yude. Bende ne aluonge, to ne ok odwoka.

Wer Mamit 5:2

Ne oyudo anindo to chunya wuotho. Eka ne awinjo ka jaherana dwong’o dhoot, kawacho niya, “Yawna, chiega ma jaherana, kendo winja majaber. Wiya otimo pi nikech tho omokoe. Adier, yie wiya ng’ich nikech ng’ich mar otieno.”

Wer Mamit 5:3

Ne adwoke niya, “To sani aselonyora. Idwaro ni mondo achak arwakra koso? Bende aselwoko tienda. Koso idwaro ni mondo achak anyon piny?”

Habakuk 2:3

To fweny mibiro yudono nigi kinde moketne, kendo ka kindeno ochopo, to gigo notimre mana ma piyopiyo mak orem. Kata ka ineno ni odeko, to rite arita, nikech notimre maonge kiawa, kendo mana e kinde mowinjore.”

Mathayo 24:48

To ka en jatich marach, to onyalo paro e chunye ni ruodhe biro deko kapok oduogo.

Mathayo 25:19

“Bang’ ndalo mang’eny, ruodh jotichgo nodwogo, mokueno kodgi.

Mathayo 25:4

Nyiri mariek to nokawo techegi kaachiel gi mo bende e chupe.

Mathayo 25:6

To odiewuor tir, koko nogore niya, ‘Wuon kisera echa biro! Wuoguru mondo udhi uromne.’

Mathayo 26:40

Eka nodok ir jopuonjrene adek kande, moyudo ka nindo oterogi, mi owacho ni Petro ni, “Kara unindo! Ok unyal konya rito kata mana kuom sa achiel kende?

Mathayo 26:43

Ne ochako odwogo, monwang’o ka nindo ochako oterogi nikech wengegi ne pek.

Luka 1:21

To e kinde no duto, ji ne rito Zekaria, kendo ne giwuoro ahinya kaka odeko e Hekalu!

Luka 12:45

To ka en jatich ma paro e chunye ni ruodhe ok bi duogo piyo, to onyalo chako goyo jotich wetene, machwo gi mamon, kendo dochiem achiema, mi omethi, kendo omer.

Luka 18:8

Ooyo! Awachonu ni nong’adni bura kare piyopiyo. To chieng’ ma Wuod Dhano obiroe e piny, uparo ni nonwang’ joma oyie kuome koso?”

Luka 20:9

Bang’e Yesu nogoyo ni ji ngero niya, “Ng’at moro noloso puoth mzabibu. Eka ne oweye e lwet jopur, mi owuok odhi wuoth e piny moro mabor kuom ndalo mang’eny.

Jo-Rumi 13:11

To timuru kamano nikech ung’eyo ni kinde koro osechopo ma uchiewie ua e nindo, nikech chieng’ mibiro resowae koro chiegni moloyo ndalo mane wachakoe yie kuom Yesu.

Jo-Efeso 5:14

nikech gima kite onenore malong’o e lela, lokore ler. Mano emomiyo iwero niya, “In ma inindo, chiew! Chier, ia kuom joma otho, mondo Kristo orieny kuomi.”

1 Petro 5:8

Beduru motang’ kurito, nikech jasiku ma Satan bayo kuonde duto ka sibuor magoyo asumbi, ka dwaro ng’ama dongam!

Fweny 2:25

To awachonu mana ni mondo umak gima un go matek nyaka abi.