Mathayo 25:45 - MUMA MALER 2015

⁴⁵ Eka enodwokgi niya, ‘Awachonu adier ni, kane ok utimo kamano ni achiel matinie moloyo kuom joma tindogi, to an ema ne ok utimona.’

Motingʼo Loko Manyien

⁴⁵ “To enodwokgi ni, ‘Awachonu adier ni, gimoro amora mane ok utimo ne achiel kuom jomatindogi, ne ok utimo ne an.’

Mathayo 25:45 ပူးပေါင်းရင်းမြစ်များ

Chakruok 12:3

“Anaguedh jogo ma guedhi, to nakuong’ jogo ma kuong’i, kendo ogendini duto mae piny nokwaya mondo aguedhgi kaka aseguedhi.”

Zaburi 105:15

“Kik umul joga maseyiero, kendo kik utim ni jonabi maga marach.”

Ngeche 14:31

Ng’at ma sando jachan, to chayo mana Nyasaye mane ochueye, to ng’at ma kecho jachan ema miyo Nyasaye duong’.

Ngeche 17:5

Ng’at ma chayo jachan yanyo mana Nyasaye mane ochueye, kendo ng’at mabedo mamor ka masira omako wadgi noyud kum.

Ngeche 21:13

Ka ng’ato odino ite ni ywak joma odhier, to en bende ywakne ok nowinji.

Zekaria 2:8

Ruoth Nyuasaye Manyalo Gik Mooko Duto oherou malich ahinya, ma ka ng’ato mulou, to ng’atno soko mana wang’a owuon. Emomiyo Ruoth Nyasaye mane oora gi ote maduong’ ir ogendini ma noyakou owacho kama:

Kwan 24:9

Uchalo gi sibuor madhako manindo piny, ma onge ng’ama hedhore chiewo. Joma guedhou mondo oyud gueth, to joma kuong’ou mondo oyud kuong’!”

Mathayo 10:41

Ka ng’ato orwako janabi nikech janabino en jaote Nyasaye, to noyud pok ma janabi yudo, kendo ng’at morwako ng’at makare nikech en ng’at makare, noyud pok ma ng’at makare yudo.

Mathayo 25:40

Eka Ruoth nodwokgi ni, ‘Awachonu adier ni gimoro amora mane utimo ni ng’at achiel matinie moloyo kuom owetenagi, to an ema nutimona.’

Mathayo 25:44

To gin bende ginidwoke niya, ‘Ruoth, karang’o mane wanenie ka kech kayi, kata ka riyo oloyi, kata ka in wendo, kata ka in duk, kata kituo, kata ka inie jela, to ok wakonyi?’

Mathayo 25:46

Eka Yesu notieko, ka wacho niya, “Jogi noter e kum mochwere, to joma kare nodhi e ngima mosiko.”

Tich Joote 9:5

Eka Saulo nopenjo ni, “In ng’a, Ruoth?” Dwolno nodwoke ni, “An e Yesu ma isando!

1 Jo-Korintho 8:12

To kutimo richo kamano ni oweteu, kendo uketho chunygi, to utimo richo mana ni Kristo!