Mathayo 25:42 - MUMA MALER 2015

⁴² nikech kech ne kaya, to ne ok umiya chiemo, kendo riyo ne oloya, to ne ok umiya pi amodho,

Motingʼo Loko Manyien

⁴² Nimar ne adenyo, to onge gima numiya mondo acham; riyo noloya, to onge gima numiya mondo amodhi;

Mathayo 25:42 ပူးပေါင်းရင်းမြစ်များ

Amos 6:6

umodho divai gi ndope, kendo uwiroru gi modhi ma nengogi tek, to ok litnu ka joka Josef rumo.

Mathayo 12:30

“Ng’at ma ok odokna, to mon koda, kendo ng’at mo ok konya choko romba, to keyo romba akeya.

Mathayo 25:35

nikech ka ne kech kaya, to ne umiya chiemo, kendo kane riyo oloya, to ne umiya pi amodho, bende kane an wendo, to ne urwaka,

Mathayo 25:41

“Bang’ mano enowach ni joma nie bade koracham ni, ‘Un joma okuong’! Ayeuru kuoma, udhi e mach mak tho, moseiki ni Satan kod malaikane,

Mathayo 25:43

bende ne an wendo, to ne ok urwaka, kendo ne an duk, to ne ok umiya lewni. Ne atuo kendo ne anie jela, to ne ok ubiro unena.’

Mathayo 4:2

Notueyo chiemo kuom ndalo piero ang’wen, odiechieng’ kotieno mi nodenyo.

Johana 14:21

Ng’at mong’eyo chikena, kendo orito, ema ohera. Ng’at mohera, ema Wuora bende noher. An bende anahere, mi afwenyrane.”

Johana 5:23

mondo ji duto omi Wuowi duong’ mana kaka gimiyo Wuoro. Ng’at ma ok mi Wuowi duong’, to ok mi Wuoro mane ooro Wuowi duong’.

1 Jo-Korintho 16:22

Ka ng’ato ok ohero Ruoth, to mondo okuong’re! Ruodhwa bi!

2 Jo-Thesalonika 1:8

e mach maliel mondo ochul kuor ni joma ok oyie Nyasaye, kendo ni joma odagi winjo Wach Maber man kuom Ruodhwa Yesu.

1 Johana 4:20

Ka ng’ato wacho ni ohero Nyasaye to omon gi owadgi, to ojamriambo, nikech ok nyal bet ni ng’ama ok ohero owadgi ma oneno, nyalo hero Nyasaye mapok oneno.