Mathayo 25:35 - MUMA MALER 2015

³⁵ nikech ka ne kech kaya, to ne umiya chiemo, kendo kane riyo oloya, to ne umiya pi amodho, bende kane an wendo, to ne urwaka,

Motingʼo Loko Manyien

³⁵ Nimar ne adenyo to ne umiya gimoro achamo; riyo noloya, to ne umiya gimoro amodho; ne an wendo; kendo nurwaka ei ot;

Mathayo 25:35 ပူးပေါင်းရင်းမြစ်များ

1 Ruodhi 17:11

To kane dhakono dhi, Elija nokowone wach ni, “Ikelnae kuon matin bende.”

Ayub 31:32

Jowuoth bende aserwako e dalana, kendo pok aweyo ginindo e yo.

Ngeche 14:21

Ka idwaro bedo mamor, to kony jochan, nimar charo ji en richo.

Ngeche 14:31

Ng’at ma sando jachan, to chayo mana Nyasaye mane ochueye, to ng’at ma kecho jachan ema miyo Nyasaye duong’.

Ngeche 19:17

Ka imiyo jachan gimoro, to ichalo ng’at ma holo Ruoth Nyasaye, nikech Ruoth Nyasaye nodwoknigo.

Ngeche 22:9

Ng’at mang’won to noyud gueth, nikech opogo chiembe ni jochan.

Ngeche 25:21

Ka jasiki odenyo, to miye chiemo, kendo ka riyo oloye, to miye pi omodhi,

Ezekiel 18:16

Ok othir ng’ato, kendo ok omechi, bende odwoko gima osingne. Joma kech ohewo to omiyo chiemo, kendo joma wuotho duge orwako gi lewni.

Ezekiel 18:7

Ok othir ng’ato kendo ok omechi, bende odwoko gima osingne. Joma kech ohewo omiyo chiemo, kendo joma wuotho duge orwako gi lewni.

Daniel 4:27

Kuom mano, ruoth, luw gima anyisini. We timo marach, to tim maber, kendo ikech joma odhier mondo ichulgo richo misetimo. Kamano nidhi nyime maber.”

Mika 6:8

To, in dhano, Ruoth Nyasaye osenyisi yo maber monego iluw. Odwaro mondo itim gik makare, kendo iher ji gi ng’wono, bende iluor Ruoth Nyasachi gi chunyi mamuol.

Mathayo 25:40

Eka Ruoth nodwokgi ni, ‘Awachonu adier ni gimoro amora mane utimo ni ng’at achiel matinie moloyo kuom owetenagi, to an ema nutimona.’

Mathayo 26:11

Joma odhier ni kodu ndalo duto, to an ok an kodu ndalo duto.

Mariko 14:7

Joma odhier ni kodu ndalo duto, omiyo unyalo konyogi kinde duto mudwaro. Anto ok an kodu ndalo duto.

Luka 11:41

To chiwuru ni joma odhier gik ma un-go, eka gik moko duto nobednu maler.

Johana 13:29

To kaka Judas ema ne jakeno, jopuonjrene moko ne paro ni Yesu onyise mondo odhi ong’iew gik mane gidwaro konyorego e sawo, kata ni mondo opog pesa ni joma odhier.

Tich Joote 10:31

moluonga ni, ‘Kornelio! Nyasaye osewinjo lemoni, kendo oseneno timbeni mag ng’wono.

Tich Joote 11:29

Eka jopuonjre noyie ni ng’ato ka ng’ato kuomgi nyaka chiw gik moko kaka onyalo, mondo okow ni owete modak Judea, okonyrego.

Tich Joote 16:15

Eka ne obatise kaachiel gi joode. Bang’ mano noluongowa e ode, kowacho ni, “Ka useneno ni ayie adier kuom Ruoth, to biuru e oda.” Eka nomiyo wadhi e ode.

Tich Joote 4:32

Joma oyie duto ne nigi paro achiel kod chuny achiel. Onge ng’ato kuomgi mane nyalo wacho ni gima en-go en mare owuon, to ne giriwo gik moko duto mane gin-go kaachiel.

Jo-Rumi 12:13

Poguru giu ni jo-Nyasaye modhier, kendo beduru joma ohero rwako welo.

Jo-Rumi 12:20

Muma wacho bende niya, “Ka jasiki odenyo, to miye chiemo, kendo ka riyo oloye to miye pi omodhi, nikech kitimo kamano, to inege gi wichkuot.”

Jo-Rumi 16:23

Gayo, ma an wendone, kendo ma bende jarwak jo-Kristo duto man ka e ode, omosou. Erasto ma jakeno mar dala, kod owadwa Kwarto, jomosou. [

Jo-Efeso 4:28

Ng’ama yande kwalo nyaka we kuelo, mondo ochak tich matek kendo modimbore gi lwete owuon, oyud gima dokonygo wadgi moro modhier.

1 Timotheo 5:10

kendo ma ji oyiego ni timbene beyo, bende moserito nyithinde maber. Bende nyaka obed dhako mohero rwako welo kendo moyie konyo jo-Nyasaye kadwokore piny e tich moro amora kaka lwoko tiend jo-Nyasaye, kendo nyaka oket chunye kuom tiyo tije mabeyo duto.

Filemon 1:7

Owadwa, kane awinjo ni hera ma iherogo jo-Nyasaye oseduogo chunygi, ne amor ahinya, kendo an bende chunya noduogo.

Jo-Hibrania 13:16

Kik uwe mak utimo timbe ng’wono, kendo poguru giu ni joma chandore, nikech mago e misengni ma Nyasaye morgo.

Jo-Hibrania 6:10

Nyasaye en jaadiera, kendo wiye ok nyal wil gi tichu kod hera ma usenyiso ni uherego, ka ukonyo joge, kaka usebedo kutimo kendo pod utimo,

Jakobo 1:27

Lemo mar adier kendo maler e nyim Nyasaye Wuoro, en limo nyithi kiye gi mond liete e chandruokgi, kendo bende gi ritruok kuom richo mag piny.