Mathayo 25:32 - MUMA MALER 2015

³² kendo ogendini duto nochokre e nyime. Nopog ji e migepe ariyo, mana kaka jakwath pogo rombe kod diek,

Motingʼo Loko Manyien

³² Joma ok jo-Yahudi duto nochokre e nyime, kendo enopog ji, kopogo ngʼato ka ngʼato gi wadgi, mana kaka jakwath pogo rombe kogolo e dier diek.

Mathayo 25:32 ပူးပေါင်းရင်းမြစ်များ

Zaburi 1:5

Kuom mano bura nolo joricho, kendo ok ginibed e kanyakla mar joma kare.

Zaburi 78:52

Joge owuon to nogolo oko e piny Misri, mi otelonigi e thim kaka jakwath telo ni jambe.

Zaburi 96:13

nikech obiro mondo orit piny. Adier, obiro rito ji duto mae piny gi bura makare kod adiera.

Zaburi 98:9

nimar obiro mondo orit piny. Adier, obiro rito ogendini duto mae piny gi bura makare kod adiera.

Ezekiel 20:38

Bende anagol kuomu joma jopiem, kendo maketho chikena. Anagolgi e pinje ma koro gidakie, to ok anayienigi giduogi e piny Israel. Eka unung’e ni kara an e Ruoth Nyasaye.

Malaki 3:18

Bang’ mano unune pogruok manie kind joma richo, kendo e kind joma tiyona gi joma ok tina.”

Mathayo 13:49

Mano bende e kaka notim ni ji, chieng’ giko piny. Malaika nowuogi kendo nopog joma richo kuom joma beyo,

Mathayo 28:19

omiyo dhiuru ulok ogendini duto jopuonjrena, kubatisogi e nying Wuoro gi Wuowi gi Roho Maler,

Mathayo 3:12

En gi rapiedhi e lwete, ma obiro piedhogo cham duto maler. Enochok chambe e dero, to mihudhi nowang’ gi mach mak tho!”

Johana 10:14

An to, an jakwath maber. Ang’eyo rombena, kendo gin bende ging’eya,

Johana 10:27

Romba ong’eyo dwonda, kendo an bende ang’eyogi, kendo giluwo bang’a.

Jo-Rumi 2:12

Joma timo richo, to ok ong’eyo Chik Musa, nolal nono, kata obedo ni gikia Chik kamano. Joma timo richo, to ong’eyo Chik, nong’adnigi bura kaluwore gi Chik.

Jo-Rumi 2:16

Kamano e kaka notimre chieng’ ma Nyasaye nomi Yesu Kristo yalie weche mopondo duto manie chuny dhano. Mano e kaka Wach Maber ma alando nyiso.

1 Jo-Korintho 4:5

Omiyo kik ung’ad ni ng’ato bura ka kinde moketi pok ochopo, to rituru biro mar Ruoth, nikech en ema nogol e lela weche mopandi e mudho, kendo noel paro mag chuny dhano. Eka Nyasaye nomi ng’ato ka ng’ato pak mowinjorego.

2 Jo-Korintho 5:10

nikech waduto nyaka wachung’ e nyim kom bura mar Kristo, mondo ng’ato ka ng’ato oyud pok moromo gi gik mabeyo kata maricho mane otimo kapod en e ringruok.

1 Samuel 2:10

Joma piem gi Ruoth Nyasaye notur matindotindo, komiyo polo mor kuomgi. Ruoth Nyasaye ng’ado bura e tung’ piny gi tung’ piny. Enomi ruoth moyiero duong’, kendo nomede teko.”