Mathayo 24:29 - MUMA MALER 2015

²⁹ “To gikanyono, ma masiche mag ndalogo orumoe, ‘Wang’chieng’ noimre, kendo due ok norieny. Sulue bende nopudhre, mi lwar koa e polo, nikech teko momakogi noyiengni.’

Motingʼo Loko Manyien

²⁹ “Gikanyono bangʼ chandruok maduongʼ mag ndalono, “ ‘wangʼ chiengʼ noimre, kendo dwe ok norieny; sulwe nolwar koa e polo, kendo chwech mag polo noyiengni.’

Mathayo 24:29 ပူးပေါင်းရင်းမြစ်များ

Eklesiastes 12:2

Mano e ndalo ma koro wang’chieng’ gi due kod sulue olokorenu mudho, kendo wang’u otimo bo, mana ka gima boche polo osiko kanenore anena e wang’u.

Isaya 13:10

Sulue mag polo ok norieny, kendo wang’chieng’ nolokre mudho ka wuok. Due bende ok norieny.

Isaya 24:23

Due norieny matiptip, kendo wang’chieng’ bende noimre, nikech Ruoth Nyasaye Manyalo Gik Moko Duto nogur lochne e got Sayun man Jerusalem, mi duong’ne maler norieny e nyim jodonge.

Isaya 34:4

E ndalono gik moko duto manie polo malo noleny, mi lal nono. Polo bende nodol mana ka kalatas, kendo sulue nolwar piny mana ka oboke moner, kata ka olemo mochiek.

Joel 2:10

Piny yiengni e nyimgi, to polo bende tetni. Wang’ chieng’ gi due oimore, sulue bende ok rieny.

Joel 3:15

Wang’ chieng’ gi due olokore mudho, kendo sulue bende ok rieny.

Amos 5:20

Chieng’ Ruoth Nyasaye en mana mudho mandiwa. Adier, en chieng’ molil, maonge ler!

Amos 8:9

Ruoth Nyasaye wacho niya, “Chieng’no nami chieng’ podhi odiechieng’ tir, mi piny lokre mudho ka chieng rieny ha.

Mathayo 24:21

nimar masira maduong’ ma nomak ji e ndalono nobed malich mapok oneye nyaka a chakruok piny, nyaka chil kawuono. To bende, masira maduong’ ma kamano ok nochak otimre kendo.

Mathayo 24:8

To masichego duto gin mana chakruok mar ndalo manyien.

2 Petro 3:10

To chieng’ Ruoth nobi mana ka jakuo, kendo chieng’ onogo polo nolal nono ka riadore matek, kendo gik mae kor polo nowang’ mi rum pep. Piny bende nolal kaachiel gi gik manie iye.

Fweny 8:12

Bang’e malaika mar ang’wen nogoyo tung’ne, mi achiel kuom adek mar wang’chieng’, gi achiel kuom adek mar due kod achiel kuom adek mar odiechieng’ kod otieno, notimo mudho.