Mathayo 23:38 - MUMA MALER 2015

³⁸ Koro dalau biro dong’ gunda.

Motingʼo Loko Manyien

³⁸ To koro, ne, odi oweni kodongʼ gunda.

Mathayo 23:38 ပူးပေါင်းရင်းမြစ်များ

1 Ruodhi 9:7

to anagol jo-Israel e piny mane amiyogi, kendo Hekalu masewalo ni nyingani naketh, mondo olal e wang’a, mi nying Israel nolok ka ngero, kendo gima ji duto jaro.

Zaburi 69:24

A Nyasaye, onego ito mirimbi mager kuomgi, kendo sandgi malit kikecho.

Zaburi 69:25

Onego kambigi dong’ nono, maonge kata ng’at achiel modong’ ka ngima e hembe,

Isaya 5:9

Ruoth Nyasaye Manyalo Gik Moko Duto osekuong’ore ka awinjo niya, Udi mang’eny nowe gunda, Adier, udi madongo mabeyo nodong’ nono ma onge joma odakie.

Jeremia 22:5

To ka ok urito wechego, to akuong’oranu ni od ruodhuni biro lokore gunda. An Ruoth Nyasaye ema awacho kamano.

Daniel 9:26

to e gikone, ng’at ma Nyasaye oseyiero noneg kayiem. Oganda lweny mar jatelo moro nobi, mi keth Jerusalem gi Hekalu. To giko nobi ma mwomore ka ohula, kendo lweny gi masira nobedie mana kaka Nyasaye nochiko.

Zefania 3:6

Ruoth Nyasaye wacho kama: “Aseyweyo ogendini ka yuech, kendo ohingni ma gigeng’orego okethore chuth. Asemiyo wang’yoregi olokore thim ma onge ng’ama luwo. Miechgi bende okethore, kendo odong’ nono ma onge joma odakie.

Zekaria 11:6

Ruoth Nyasaye nomedo wacho niya, “Ok anakech joma odak e pinyni, to abiro keto ng’ato ka ng’ato e lwet jatende kendo e lwet ruodhe, mi jotelogo noketh piny, to ok anares ji e lwetgi.”

Mathayo 24:2

To nodwokogi ni, “Donge uneno gigi duto? Awachonu adier ni onge kata kidi achiel mabiro dong’ kochung’ ewi wadgi, to giduto nowitgi piny.”

Mariko 13:14

“Ka uneno Gima Kuero Makelo Kethruok kochung’ kama ok owinjore ochung’ie, to joma nie piny Judea nyaka ring dhi pondi e gode. (Ng’ama somo wachni mondo ong’e tiende!)

Luka 13:35

Koro dalau biro dong’ gunda. Awachonu ni chakre kawuono ok unuchak unena kendo, nyaka kinde chopi ma unuwachie ni, ‘Ogwedh ng’ama biro e nying Ruoth.’ ”

Luka 21:20

“Ka uneno ka ogend lweny olworo Jerusalem, to ng’euru ni kinde mikethee osechopo!

Luka 21:24

Moko kuomgi noneg e lweny, to moko nomaki mi ter e pinje mamoko duto, kendo ogendini ma ok jo-Yahudi nonyon Jerusalem nyaka chop ndalo lochgi rum.

Luka 21:6

“Ndalo biro ma onge kata mana kidi achiel kuom gik munenogi duto ma nodong’ kochung’ ewi wadgi, to giduto nowitgi piny.”