Mathayo 23:37 - MUMA MALER 2015

³⁷ “Yaye, jo-Jerusalem! Yaye, jo-Jerusalem! Un munego jonabi, kendo ugoyo joma Nyasaye ooro iru gi kite. Mano kaka asedwaro mondo achoku kaka nyabuch gweno choko nyithinde e bwombe, to usetamoru.

Motingʼo Loko Manyien

³⁷ “Yaye Jerusalem, Jerusalem, in ma inego jonabi kendo ichielo joma oorni gi kite! Mano kaka asegombo amingʼa mondo achok nyithindi kaachiel, kaka gweno choko nyithinde e bwo bwombene, to ok useyie.

Mathayo 23:37 ပူးပေါင်းရင်းမြစ်များ

Nehemia 9:26

“To kata kamano ne wigi tek, mi ging’anyoni. Ne gilokore ni giweyo chikni, kendo ne ginego jonabi magi ma noyudo siemogi mondo giduog iri. Ne gichayi ahinya,

Zaburi 17:8

Rita mana kaka dirit wengeni iwuon, kendo panda e tipo bwombeni,

Zaburi 36:7

Ng’wononi mosiko ber manadi! Tipo bwombeni ema ji yudoe konyruok.

Zaburi 57:1

Kecha, A Nyasaye! Yie ikecha, nikech aringo iri mondo ayud kar konyruok. Ee, ayueyo e tipo mar bwombeni nyaka masiche duto kadhi.

Zaburi 63:7

nikech pile isebedo konyruokna. Awer gi ilo ka ayueyo e tipo mar buombeni.

Zaburi 91:4

Enoumi gi buombene, mi iyue e tipone gi kue. Adierane biro bedoni ka okumba kod gigi mag lweny.

Isaya 5:4

En ang’o mane onego atim e puotha mane ok atimo? To kane atimo gik moko duto mowinjore, to ere gima omiyo ne onyago mana olemo makech, to ne ageno ni obiro nyagona olemo mabeyo?

Isaya 50:2

Kuom mano, ere gima omiyo ne ok ayudo ng’ato, kane abiro iru? Koso kane aluongo, to ere gima omiyo ng’ato ne ok odwoka? Uparo ni bada chiek ma ok nyal warou, kata ni aonge gi teko ma daresugo? Ooyo, ka akok, to nam duono, bende aore lokore piny motwo, mi rech manie igi tho kendo dum marach nikech pi onge.

Jeremia 2:30

Ne anego yawuotu, to mano ne ok opuonjou, bende ne ok unyal yie kethou, to ne unego jonabi mau mana kaka sibuor mager neko.

Jeremia 26:23

Omiyo ne gigole kuno, mi gidwoke ni ruoth Jehoyakim, monege, kendo ne owit ringre e bur mane iyikoe ji ajiya.)

Jeremia 32:31

Dalani osemiya mirima mager, chakre chieng’ mane ogeree nyaka chil kawuono, kendo asechano mondo akethe

Jeremia 35:15

Bende asebedo ka aoronu jotichna ma jonabi, kendo gisekwerou ni mondo uwe timbe maricho, utim gik makare. Ne gisiemou ni uwe lamo nyiseche mamoko mondo udag aming’a e piny mane amiyou gi kwereu. To ne ok unyal winja, kata chiko itu kuom gima awacho.

Jeremia 36:26

Bang’e nogolo chik mondo jaduong’ Jerameel kaachiel gi Seraya wuod Azriel kod Shelemia wuod Abdiel jodhi omak Jeremia gi Baruk jandiko mare. To noyudo ka Ruoth Nyasaye osepandogi.

Jeremia 4:14

Un jo-Jerusalem, lwokuru richo manie chunyu mondo oresu. Ubiro siko kuparo weche maricho nyaka karang’o?

Jeremia 44:4

Ne asiko ka aoronu jotichna ma jonabi mondo okweru kik utim gik makuero ma amon-gogo,

Jeremia 6:8

Puonjreuru kuom mano, un jo-Jerusalem, nono to aweyou, mi aloko dalau thim, ma onge ng’ama dakie.”

Hosea 11:2

To kaka ne amedo luonge, e kaka ne omedo dhi mabor koda. Joga ne timo misengni ni Baal, kendo ne giwang’o ubani ni kido manono.

Hosea 11:7

Giseweya, omiyo ok ginyal tony, kendo gibiro ywak nikech jok motuenigi, to onge ng’ama nogonynigigo.

Hosea 7:13

“Gidiwo, nimar giseweya mi gipiem koda, omiyo ibiro tiekgi. Ne adwaro resogi, to giwacho miriambo kuoma.

Zekaria 1:4

Kik ubed machal gi kwereu mane jonabi machon ywaknigi kawacho ni, ‘Ruoth Nyasaye Manyalo Gik Moko Duto wacho niya, “Weuru yoreu maricho kod timbeu mamono mondo uduog ira.” ’ To ne ok gichiko itgi kata dewo wechena ne ok gidewo. An Ruoth Nyasaye ema awacho kamano.

Mathayo 22:3

Ne ooro jotichne mondo odhi onyis joma oluongi mondo obi, to joma oluonggo nodagi.

Mathayo 22:6

to joma moko nomako jotichnego, motimonigi malit, kendo onegogi.

Mathayo 23:30

kuwacho niya, ‘Dine wadag e ndalo kwerewa, to dine ok wariwore kodgi kuom chuero remb jonabi.’

Mathayo 23:31

To kuwacho kamano, to uyie ni un nyikwa joma nonego jonabi.

Mathayo 5:12

Ka gik makamago otimorenu, to beduru mamor ahinya, nikech pok maduong’ okannu e polo, nimar kamano bende e kaka ne gisando jonabi mane okwongonu.

Luka 15:28

To mirima nomako wuowi maduong’, mi otamore donjo e ot, omiyo wuon mare nowuok, mohombe mondo odonji.

1 Jo-Thesalonika 2:15

Jo-Yahudigo ema ne onego Ruoth Yesu kod jonabi maggi, kendo gin ema ne giriembowa oko. Ok gilong’o ni Nyasaye, bende gimon gi ji duto.

Fweny 17:6

Bende ne aneno ka remb jo-Nyasaye, kod remb joma ohulo ni Yesu e Ruoth, omero dhakono. Kane anene to ne awuoro ahinya,

Ruth 2:12

Ruoth Nyasaye mondo ochuli kuom tichni, kendo iyud pok makare moa kuom Ruoth Nyasaye ma Nyasach Israel, ma nibiro e bwo tipone mondo iyud kar konyruok.”