Mathayo 23:23 - MUMA MALER 2015

²³ Yesu nomedo wacho niya, “Mano kaka unune malit, un jopuonj Chik gi jo-Farisai, mawuondore ni ohero Nyasaye! Uketo chunyu mana kuom chiwo ni Nyasaye mich mar achiel kuom apar mag alode maonge tich kaka apoth, gi onyulo, kod ododo, to uweyo gik madongo ma Chik dwaro, kaka ng’ado bura kare, gi bedo mang’won kod bedo jaadiera. Gik madongogo ema onego bed ni utimo, to mamokogo bende ok onego uwe mak utimo.

Motingʼo Loko Manyien

²³ “Unune malit un jopuonj chik gi jo-Farisai mawuondoregi! Uchiwo achiel kuom apar mar gik ma milimili kaka kado, apoth kod onyulo. To ok usedewo gik madongo moloyo ma chik dwaro, kaka adiera gi kech kod yie. Owinjore ne utim gik ma achien-go ka ok uweyo mak utimo mokwongogo.

Mathayo 23:23 ပူးပေါင်းရင်းမြစ်များ

Ngeche 21:3

Ruoth Nyasaye ohero mondo itim gik makare kendo mowinjore moloyo timone misengni.

Isaya 28:25

Donge ka osetieko buso, to ochuoyo kothe mopogore opogore, moro ka moro gi kare mowinjore kode?

Jeremia 22:3

An Ruoth Nyasaye awachonu ni mondo utim gik makare kendo madier. Konyuru ng’at ma ithiro e lwet joma thire. Kik usand kata kik uthir jodak gi nyithi kiye kod mond liete, bende kik uneg joma onge ketho kama oyangnani.

Hosea 6:6

nimar gima adwaro moloyo en hera mosiko, to ok misengni. Ber ka joga ong’eya, moloyo ka gitimona misengni miwang’o.

Tim jo-Lawi 27:30

“Achiel kuom apar mag gik moko duto ma piny onyago, bed ni gin cham, kata olembe, gin mag Ruoth Nyasaye, kendo gin gik maler mowalne.

Mika 6:8

To, in dhano, Ruoth Nyasaye osenyisi yo maber monego iluw. Odwaro mondo itim gik makare, kendo iher ji gi ng’wono, bende iluor Ruoth Nyasachi gi chunyi mamuol.

Mathayo 12:7

Muma wacho ni, ‘Ok adwar mondo ji otimna misango, to adwaro mana ni mondo gibed mang’won.’ Dine bed ni uwinjo tiend wachno, to da ok ung’ado bura ni joma ok oketho,

Mathayo 23:13

“Mano kaka unune malit, un jopuonj Chik gi jo-Farisai, ma wuondore ni ohero Nyasaye! Uchiego ni ji dhoranga Piny Ruodh Polo, to un uwegi ok udonjie, to eka joma dwaro donjoe be utamo. [

Mathayo 9:13

Dhiuru mondo upuonjru tiend gima muma wacho ni, ‘Ok adwar mondo ji otimna misango, to adwaro mana ni mondo gibed mang’won.’ Ne ok abiro mondo aluong joma kare, to abiro mana ni mondo aluong joricho.”

Luka 11:42

“Mano kaka unune malit, un jo-Farisai! Uketo chunyu kuom chiwo ni Nyasaye mich mar achiel kuom apar mar apoth gi onyulo, kod alode mamoko duto maonge tich, to uweyo ng’ado bura kare, kendo ok uhero Nyasaye! Gigo ema onego bed ni utimo to mamokogo bende ok onego uwe mak utimo.

Luka 18:12

Atweyo chiemo diriyo e juma ka juma, kendo achiwoni achiel kuom apar mag gik moko duto ma anwang’o.’

1 Samuel 15:22

To Samuel nopenje niya, “Iparo ni Ruoth Nyasaye ohero chiwo kod misengni moloyo mako chikene koso? Ooyo, mako chik ber moloyo misango, kendo chiko it ber moloyo boche imbe.