Mathayo 22:29 - MUMA MALER 2015

²⁹ To Yesu nodwokogi niya, “Uruenyo, nikech ok ung’eyo weche manie Muma kata teko mar Nyasaye bende ok ung’eyo.

Motingʼo Loko Manyien

²⁹ Yesu nodwokogi kawacho niya, “Ukoso nikech ukia Ndiko kata teko Nyasaye.

Mathayo 22:29 ပူးပေါင်းရင်းမြစ်များ

Chakruok 18:14

Ruoth Nyasaye nomedo penje niya, “Bende nitie gimoro manyalo tama? Abiro duogo iri e kinde makama higa mabiro, kendo nanwang’ ka Sara osenywolo nyathi ma wuowi kaka asewacho.”

Zaburi 17:15

An to, ananeni nikech in ng’at makare, kendo ka achiew, to chunya nopong’ gi ilo, nikech ananwang’ ka in koda.

Isaya 25:8

Enotiek tho nyaka chieng’. Bang’e enoywe pi wang’ ng’ato ka ng’ato, kendo nogol achaye man kuom joge e piny duto. Ruoth Nyasaye ema owacho kamano.

Isaya 26:19

Jogi duto mosetho nochak obed mangima. Adier, ringregi nochier kendo. Joma onindo e lowo biro chier, mi kog gi mor, nimar tekoni biro lor kuomgi mana ka tho ma moko e lum, mi piny nogol joma notho chon oko.

Jeremia 32:17

“A Ruoth Nyasaye! Ne ichueyo polo gi piny kod riekoni gi tekoni maduong’. Onge gima nyalo tami timo.

Hosea 13:14

Uparo ni abiro reso jogi kuom tho, kata konyogi ni kik gidhi e piny joma otho? Ooyo! In tho, bi gi masicheni duto, kendo in piny joma otho, bi gi kethruokni duto, nimar ok abi kecho jogi.

Mathayo 22:28

Koro, chieng’ chier, to dhakono nobed chi ng’a kuom ji abiriyogo, nikech giduto ne gibet kode?”

Mariko 12:24

Yesu nodwokogi niya, “Uruenyo, nikech ok ung’eyo weche manie Muma, kata teko mar Nyasaye,

Luka 1:37

nikech onge gima nyalo tamo Nyasaye.”

Johana 20:9

Nyaka chop kindeno ne pok ging’eyo tiend gima Muma wacho ni nyaka ochier oa kuom joma otho.

Tich Joote 26:8

Ere gima omiyo un jo-Yahudi ok unyal yie ni Nyasaye chiero joma otho?

Jo-Rumi 15:4

Adier, weche mane ondiki chon e Muma nondiki mondo opuonjwa, kendo mondo Muma omiwa kinda kendo ohowa, mi wabed gi geno.

1 Jo-Korintho 15:34

Beduru gi rieko mondo uwe timo richo. Jomoko kuomu kia Nyasaye. Awacho kamano mondo akuodgo wiu!

Jo-Filipi 3:21

Obiro kawo ringrewa manyap kendo matho, mi olok obed machal gi ringre owuon man gi duong’, kotiyo gi teko mamiyo oketo gik moko duto e bwo lochne.