Mathayo 22:17 - MUMA MALER 2015

¹⁷ Koro nyiswae gima iparo kuom wach golo osuru. Chikwa oyie mondo wagol osuru ni Kaisar, koso ok oyie?”

Motingʼo Loko Manyien

¹⁷ Koro nyiswa ane, iparo nade? Bende en gima kare mondo wagol osuru ne Kaisar, koso ok owinjore?”

Mathayo 22:17 ပူးပေါင်းရင်းမြစ်များ

Ezra 4:13

To ruoth, nyaka ing’e malong’o ni kapo ni gigero dalagino, mi gitieko ohingane, to ok ginigol osuru, kata golo chiwo, kata mana chulo gimoro amora, mi e gikone giniketh lochni.

Ezra 7:24

To bende wanyisou malong’o ni uonge gi teko mar keto osuru kata chudo moro kuom jodolo gi jo-Lawi gi jower gi jorit dhorangeye kod jotich Hekalu, kata kuom ji mamoko e Od Nyasaye.

Nehemia 5:4

To jomoko bende ne singo puothegi mag cham gi mag mzabibu mondo giyud pesa ma digigolgo osuru ni ruoth.

Nehemia 9:37

Gik moko duto ma pinywani nyago dhi mana ni ruodhi miketo mondo otiwa nikech richowa. Gin gi teko kuom dendwa, kendo gitimo gima gihero ni jambwa, ka wan to wachandore malich.”

Jeremia 42:20

mano dibed ketho maduong’! Ne uora ir Ruoth Nyasachwa kuwachona niya, ‘Lamnwa Ruoth Nyasachwa, kendo inyiswa weche duto mowacho mondo watigo.’

Mathayo 17:25

Petro nodwokogi ni, “Ee, ogolo.” To kane Petro odonjo e ot, Yesu ema nokwongo wuoyo kode, kapenje niya, “Simon, in iparo ang’o kuom wach golo osuruni? Joma nadi magolo osuru ni ruodhi mag pinyni? Gin jopinje ruodhigo, koso gin jopinje mamoko?”

Mathayo 22:18

To Yesu nong’eyo paro marach ma gin-go, omiyo nodwokogi niyya, “Ang’o momiyo utema, un andhokegi?

Luka 2:1

E ndalogo, Kaisar Augusto ruodh jo-Rumi nogolo chik mondo okwan ji duto e pinye, kendo ondik nyinggi.

Luka 20:22

To koro, nyiswa ane ka Chikwa oyie mondo wagol osuru ni Kaisar, kata kik wagol?”

Luka 3:1

E higa mar apar gabich mar loch Kaisar Tiberio ruodh jo-Rumi, ka Pontio Pilato ne ruodh Judea, to Herode ne ruodh Galili, kendo Filipo owadgi ne ruodh pinje mag Iturea gi Trakoniti, to Lusania ne ruodh Abilene,

Tich Joote 17:7

to Jason ema oketogi e ode. Giduto giketho chik Kaisar, ka giwacho ni nitie Ruoth machielo ma nyinge Yesu.”

Tich Joote 25:8

Paulo to nodwokogi kawacho ni, “Ok aseketho chik jo-Yahudi, kata mar Hekalu, kata mar Kaisar, ruodh jo-Rumi.”

Tich Joote 28:22

To dwaher winjo paroni, nikech wang’eyo ni kuonde duto ji wuoyoe marach kuom kanyakla ma intieno.”

Tich Joote 5:37

Bang’ mano, Judas ja-Galili nobiro e ndalo mikwanoe ji, mi oloko ji mathoth oluwe, to en bende nonege, mi joge oke.