Mathayo 22:12 - MUMA MALER 2015

¹² mi owachone ni, ‘Omera, ere kaka idonjo ka, to ionge gi law kisera?’ To dho ng’atno nomoko.

Motingʼo Loko Manyien

¹² Nopenje ni, ‘Osiepna, ne idonjo e iye ka nade kionge gi lep arus?’ To dho ngʼatno nomoko.

Mathayo 22:12 ပူးပေါင်းရင်းမြစ်များ

Ayub 5:16

En ema omiyo joma odhier bedo gi geno, to joma parogi richo ling’ thi.

Zaburi 107:42

Joma kare neno kamano, kendo gibedo mamor, to joricho duto dhogi moko.

Jeremia 2:23

Ere kaka unyalo wacho ni pok udwanyoru, bende ni pok ulamo Baal? Parieuru kaka ne utimo richo e holo, kendo neyeuru gik ma usetimo. Uchalo ngamia madhako madwaro thuondi, ma tho ringo aringa koni gi koni.

Jeremia 2:26

To kaka wi jakuo kuot ka omake, e kaka un jo-Israel wiu nokuodi, kaachiel gi ruodhiu gi jodongu gi jodolo mau kod jonabi mau.

Mathayo 20:13

To ng’atno nodwoko achiel kuomgi niya, ‘Omera, onge gima rach ma asetimoni. Donge nende wawinjore kodi ni abiro chuli siling’ achiel?

Mathayo 26:50

To Yesu nowachone niya, “Omera, tim atima gima okeli.” Eka jogo nobiro momako Yesu matek.

Mathayo 5:20

Awachonu ni, ka ok timbeu beyo moloyo timbe jo-Farisai gi timbe jopuonj Chik, to ok unyal donjo e Piny Ruodh Polo kata matin!

Jo-Rumi 3:19

To wang’eyo ni weche duto ma Chik wacho oket ni joma nie bwo Chikno. Kuom mano, ji onge gi yo ma ginyalo tonygo e bura, to buch Nyasaye okwako piny duto.

1 Jo-Korintho 4:5

Omiyo kik ung’ad ni ng’ato bura ka kinde moketi pok ochopo, to rituru biro mar Ruoth, nikech en ema nogol e lela weche mopandi e mudho, kendo noel paro mag chuny dhano. Eka Nyasaye nomi ng’ato ka ng’ato pak mowinjorego.

Tito 3:11

Nyaka ing’e ni ng’at ma kamano parone osekethore. Okethore aketha kong’eyo.

1 Samuel 2:9

Orito tiend joge ni kik chwanyre, to joricho lal e mudho, nikech teko ng’ato owuon ok nyal miye loch.