Mathayo 21:35 - MUMA MALER 2015

³⁵ To jopur nomako jotichnego mi ogoyo achiel, to moro ginego, kendo machielo gigoyo gi kite.

Motingʼo Loko Manyien

³⁵ “To jopur puodhogo nomako jotichnego mi ogoyo achiel, to machielo ginego to mar adek gichielo gi kite.

Mathayo 21:35 ပူးပေါင်းရင်းမြစ်များ

1 Ruodhi 18:13

Bende isewinjo gima natimo ka Jezebel ne nego jonabi mag Ruoth Nyasaye? Napando jonabi mia achiel. Piero abich napando e rogo achiel, to piero abich e rogo machielo, mamiyogi chiemo gi pi bende.

1 Ruodhi 18:4

kendo kane Jezebel nego jonabi mag Ruoth Nyasaye, to nopando jonabi mia achiel kuomgi. Piero abich nopando e rogo achiel, to piero abich opando e rogo machielo, momiyogi chiemo gi pi bende.)

1 Ruodhi 19:10

Nodwoko niya, “A Ruoth Nyasaye Manyalo Gik Moko Duto, asetiyoni gi kinda nikech hera maduong’ maherigo, to jo-Israel ok oserito singruok mane itimo kodgi. Gisemuko kendeni mag misango, kendo gisenego jonabi magi, mak mana an ema adong’, to koro gidwaro nega.”

1 Ruodhi 19:2

Mi Jezebel nooro jaote ir Elija, kowacho niya, “Ka kiny ochopo sa makama, ka pok anegi kaka isenego jonabigo, to nyiseche mondo onega!”

1 Ruodhi 22:24

Eka Zedekia wuod Kenaana nosudo machiegnii, mothalo lemb Mikaya, kapenje niya, “Ere kaka Roho mar Ruoth Nyasaye ne nyalo a kuoma mondo owuo kodi?”

2 Weche mag Ndalo 16:10

Wachno nomiyo Asa okecho gi janen, mi otueye gi nyororo e od tuech. To bende Asa nochako sando jomoko e ndalogo.

Nehemia 9:26

“To kata kamano ne wigi tek, mi ging’anyoni. Ne gilokore ni giweyo chikni, kendo ne ginego jonabi magi ma noyudo siemogi mondo giduog iri. Ne gichayi ahinya,

Jeremia 2:30

Ne anego yawuotu, to mano ne ok opuonjou, bende ne ok unyal yie kethou, to ne unego jonabi mau mana kaka sibuor mager neko.

Jeremia 26:8

kendo kane otieko wacho gik moko duto mane Ruoth Nyasaye ochike mondo owachi, jodolo gi jonabi kod ji duto nomake, ka kok niya, “Owinjore negi kuom wach ma kama!

Jeremia 37:15

Kane jodongogo oneno Jeremia, ne gikecho kode ahinya, mi gigolo chik mondo ochwade, kendo olorne e od Jonathan ma jang’ad ni ruoth rieko. (Od Jonathanno ne koro olok od tuech.)

Mathayo 21:34

To kane ndalo pono mzabibu ochopo, nooro jotichne ir jopurgo, mondo oomne olemo monego oyudi.

Mathayo 21:36

Wuon puodho nochako ooro jotich mamoko, mang’eny moloyo mokwongo ka, to jogo notimonigi mana kaka ne gitimo ni jotich mokwongo kande.

Mathayo 5:12

Ka gik makamago otimorenu, to beduru mamor ahinya, nikech pok maduong’ okannu e polo, nimar kamano bende e kaka ne gisando jonabi mane okwongonu.

Tich Joote 7:52

Bende nitie janabi moro mane kwereu ok osando? Ne ginego joote Nyasaye mane osehulo chon ni Ng’ama Kare biro biro. To koro un usendhogo Ng’ama Kareno, mi unego.

Fweny 6:9

Kane Nyarombo oketho kido mar abich, ne aneno chuny jomoko e bwo kendo-mar-misango. Ne gin joma ne osenegi nikech Wach Nyasaye, kendo nikech ne gisiko ka gihulo ni giyie kuome.