Mathayo 21:24 - MUMA MALER 2015

²⁴ To Yesu nodwokogi niya, “An bende abiro penjou gimoro achiel kende, kendo ka udwoka to eka abiro nyisou kuma ayudoe e teko ma atimogo gigi.

Motingʼo Loko Manyien

²⁴ Yesu nodwokogi niya, “Abiro penjou penjo achiel. Ka udwoka, to abiro nyisou teko ma atimogo gigi.

Mathayo 21:24 ပူးပေါင်းရင်းမြစ်များ

Mathayo 10:16

“Winjuru! Aorou mana ka rombe madhi e dier ondiegi. Emomiyo beduru mariek ka thuol, kendo beduru mamuol ka akuru.

Mathayo 21:23

Kane Yesu ochako odonjo e Hekalu, jodolo madongo kod jodong oganda nobiro ire kane oyudo opuonjo, mopenje niya, “Ere teko ma in-go, momiyo itimo gik makamagi? Koso ng’ama omiyi teko mar timogi?”

Mathayo 21:25

Teko mane Johana batisogo ji noa kanye? Ne oa e polo koso noa kuom dhano?” Eka jogo nochako wuoyo e kindgi giwegi, ka gipenjore ni, “Ere kaka dwadwoke? Ka wawacho ni teko Johana noa kuom Nyasaye to obiro penjowa gimomiyo ne ok wayie kuom Johana.

Luka 6:9

Eka Yesu nowachonigi ni, “Koro apenjou! Ere gima Chikwa oyienwa timo chieng’ Sabato? Timo gima ber, koso timo gima rach? Reso ngima ng’ato koso ketho ngimane?”

Jo-Kolosai 4:6

Wecheu onego bed mang’won pile kendo man gi ndhadhu, kendo nyaka ung’e kaka udwoko ng’ato ka ng’ato.