Mathayo 21:17 - MUMA MALER 2015

¹⁷ Bang’ mano noa Jerusalem oweyogi, modhi obworo Bethania.

Motingʼo Loko Manyien

¹⁷ Omiyo noweyogi, mowuok odhi e dala maduongʼ mar Bethania, kuma ne oninde otienono.

Mathayo 21:17 ပူးပေါင်းရင်းမြစ်များ

Jeremia 6:8

Puonjreuru kuom mano, un jo-Jerusalem, nono to aweyou, mi aloko dalau thim, ma onge ng’ama dakie.”

Hosea 9:12

To kata kapo ni ginywolo nyithindo, to anami nyithindgigo tho duto mak aweyo kata achiel ka ngima. Ka ajwang’o jogi, to giniyud masira malich.

Mathayo 16:4

Tieng’ marach kendo moweyo Nyasayeni kwayo mondo otimnigi ranyisi, to onge ranyisi ma notimnigi, mak mana ranyisi mar Jona.” Eka noweyogi, modhi.

Mathayo 26:6

Kane Yesu ni Bethania e od Simon jadhoho,

Mariko 11:1

Kane gin machiegni gi Jerusalem, e mier mag Bethfage gi Bethania, but got Zeituni, Yesu nooro jopuonjrene ariyo mondo otel nyime,

Mariko 11:11

Kamano Yesu nodonjo Jerusalem, modhi e Hekalu, kendo orango gik moko duto. To kaka piny ne koro yuso, nowuok modhi Bethania gi jopuonjrene apar gariyo.

Mariko 11:19

To kane piny oyuso, Yesu nowuok, moa Jerusalem kod jopuonjrene.

Mariko 14:3

Kane Yesu ni Bethania, ka chiemo e od Simon jadhoho, dhako moro nobiro gi chupa molos gi alabasta, moting’o mo mang’ue ng’ar ma nengo ne tek miluongo ni nard. Ne oturo ng’ut chupano mi oolo morno ewi Yesu.

Mariko 3:7

Yesu nowuok gi jolupne, modhi e dho nam Galili, kendo ji mathoth noluwe. Jogo noa Galili gi Judea

Luka 10:38

Kane Yesu kod jopuonjrene pod nie wuoth, ne odonjo e dala moro, mi dhako moro ma nyinge Maritha norwake e ode.

Luka 19:29

kendo kane ochopo machiegni gi Bethfage kod Bethania e got miluongo ni got Zeituni, nooro jopuonjrene ariyo,

Luka 24:50

Eka nogologi Jerusalem, moterogi machiegni gi Bethania, mi noting’o lwete moguedhogi.

Johana 11:1

Ng’at moro ma nyinge Lazaro, mane odak Bethania, ne tuo. Bethania e dala mane Maria odakie kod Maritha nyamin mare

Johana 11:18

Bethania ne chiegni gi Jerusalem ma dirom kilomita adek,