Mathayo 20:28 - MUMA MALER 2015

²⁸ mana kaka Wuod Dhano bende ne ok obiro mondo ji otine, to mana ni mondo oti ni ji, kendo mondo ochiw ngimane owargo ji mang’eny.”

Motingʼo Loko Manyien

²⁸ mana kaka Wuod Dhano ne ok obiro mondo ji otine, to nobiro mondo otine ji, kendo mondo ochiw ngimane obed gima iwarogo ji mangʼeny.”

Mathayo 20:28 ပူးပေါင်းရင်းမြစ်များ

Ayub 33:24

Malaikano nyalo ng’wonone, mi wach niya, ‘Weyeuru! Ok onego odhi e Piny Joma Otho, nikech an gi gima awarego.’

Zaburi 49:7

To ng’ato ok nyal warore owuon, bende ok onyal chulo Nyasaye gima dowargo ngimane,

Isaya 53:5

to kara ne ochwowe mana nikech kethowa. Ee, ne osande nikech richowa. Sand mane oyudo ema kelonwa kue, kendo wachango nikech chwat mane ochwadego.

Isaya 53:8

Kane osemake, mi ong’adne bura, ne okawe mi otere e tho, to onge ng’ama ne openjo gima omiyo inege. Adier, ne ogole oko e piny joma ngima nikech richo mag jowa.

Kwan 7:15

gi nyarwath gi im gi nyaim ma hike achiel mitimogo misango miwang’o pep,

Mathayo 20:27

kendo ka ng’ato dwaro bedo jatendu, to nyaka obed misumbau,

Mathayo 26:28

nikech ma e remba, mochuer ni ji mang’eny, kitimonigigo Winjruok gi Nyasaye mondo owenigi richogi.

Mathayo 8:20

To Yesu nodwoke niya, “Bwe nigi buchegi, kendo winy bende nigi utgi. Wuod Dhano to onge kata gi kama ketie wiye.”

Mariko 10:45

Nikech kata Wuod Dhano bende ne ok obiro mondo ji otine, to nobiro mondo oti ni ji, kendo mondo ochiw ngimane owargo ji mang’eny.”

Mariko 14:24

Eka nowachonigi ni, “Ma e remba mochwer ni ji mang’eny kitimonigigo Winjruok gi Nyasaye.

Luka 22:27

Kuom ji ariyogi, ere ng’ama duong’ie moloyo wadgi? Jal ma obet kachiemo, koso jal matiyone? Donge en jal ma obet kachiemo? To an, an e kindu ka ng’at matiyo.

Johana 10:15

mana kaka Wuora ong’eya, kendo an bende ang’eyo Wuora. Mano emomiyo ayie chiwo ngimana nikech romba.

Jo-Rumi 4:25

Yesu ema ne ochiw mi otho nikech richowa, to ne ochiere mondo wabedi e winjruok gi Nyasaye.

2 Jo-Korintho 8:9

Ung’eyo ng’wono mar Ruodhwa Yesu Kristo, ni kata ne en gi mwandu mogundho kamano, to nodoko jachan nikech un, mondo un ubed jomwandu kuom chan mare.

Jo-Galatia 3:13

To Kristo nowarowa kuom kuong’ ma Chik kelo, kane odoko ng’ama okuong’ nikech wan, nimar Muma wacho niya, “Okuong’ ng’ato ang’ata ma olier e yath.”

Jo-Efeso 1:7

Nyasaye oseweyonwa richowa, kendo osewarowa nikech tho mar Kristo. Mano kaka mich

Jo-Efeso 5:2

Beduru gi hera, mana kaka Kristo noherowa, mi ochiwonwa ngimane obedo misango madum tik mamit ni Nyasaye.

1 Timotheo 2:6

En ne ochiwore mondo owar ji duto. Kamano kane kinde mowinjore ochopo, to nonyiso ratiro ni Nyasaye dwaro waro ji duto.

Tito 2:14

En ema ne ochiwore owuon nikech wan, mondo oreswa e richo duto, kendo opuodhwa wabed joge moyiero, mondo watim timbe mabeyo.

Jo-Hibrania 2:10

Nyasaye mane ochweyo gik moko duto mondo otine ne dwaro mondo okel nyithinde mang’eny e duong’ne maler. Omiyo noneno ni ber mondo omi jal matelonigi e warruok bed ng’ama kare chuth bang’ neno sandruok.

Jo-Hibrania 5:8

Kata obedo ni ne en Wuod Nyasaye kamano, to nopuonjore winjo wach kuom masiche mane oneno,

Jo-Hibrania 9:28

Mano e kaka Kristo bende ne ochiw ka misango dichiel kende, mondo oting’ richo mag ji mang’eny, to obiro fwenyore kendo mar ariyo, to ok ni mondo ogol richo, to mana ni mondo okel warruok ni jogo morite.

1 Petro 2:24

En owuon ne oting’o richowa e ringre e msalaba, mondo watho ni richo, eka wabed mangima ni tim makare, kendo osechangu mana nikech chwat mane ochwadego.

1 Petro 3:18

nimar Kristo owuon notho dichiel kendo mogik nikech richou. Kata obedo ni en ne en ng’ama kare kamano, to notho ni joma ok kare, mondo oterwa ir Nyasaye. Ne oneg ringre, to Nyasaye nomiyo chunye obedo mangima,

1 Johana 2:2

En e misango magolo richowa, to ok richowa kende ema ogolo, to ogolo koda ka richo mar piny duto bende.

Fweny 1:5

kendo moa kuom Yesu Kristo ma janeno maradier, mane okwongo chier oa kuom joma otho, kendo ma jatend ruodhi mag piny. Oherowa kendo osegonyowa kuom richowa gi rembe,