Mathayo 20:24 - MUMA MALER 2015

²⁴ Kane jopuonjrene apar modong’ owinjo wachno ne gisin gi owete ariyogo.

Motingʼo Loko Manyien

²⁴ Ka jopuonjre apar mamoko nowinjo wachno, to ne gisin gi jowete ariyogo.

Mathayo 20:24 ပူးပေါင်းရင်းမြစ်များ

Ngeche 13:10

Sunga ok kel gimoro, to okelo mana miero, omiyo ber mondo ng’ato odwar rieko kuom ji.

Mathayo 20:23

Eka nowachonigi niya, “Adier ubiro madho kikombena to yiero ng’ama onego bedi e bada korachwich kata e bada koracham, to ok nie tekona. Wuora ema nochiw kuondego ni joma oseiknigi.”

Mathayo 20:25

To Yesu noluongogi giduto, mowacho nigi niya, “Ung’eyo ni ruodhi mag piny tiyo jogi gi thuon, kendo jogo man gi loch nigi teko kuom joma gitiyo.

Mariko 10:14

Kane Yesu oneno ka jopuonjrene kwero jogo kamano, nosin, mi owacho ni jopuonjrene niya, “Weuru nyithindo obi ira! Kik utamgi, nikech joma kamagi ema yudo gweth mar Loch Nyasaye!

Mariko 10:41

Kane jopuonjre apar modong’ owinjo wachno, ne gisin gi Jakobo kod Johana.

Luka 13:14

Kane jaduong’ od lemo oneno ka Yesu ochango dhakono chieng’ Sabato kamano, mirima nomake, mi owacho ni ji niya, “Nitie ndalo auchiel ma onego ji tiye, omiyo biuru e ndalogo mondo ochangu, to kik ubi chieng’ Sabato.”

1 Jo-Korintho 13:4

Hera timo kinda, kendo ong’won. Ok otim nyiego, kendo ok osungre, bende ok opakre.

Jo-Filipi 2:3

Kik ubed gi piem kata sunga, to beduru mobolore, ka ukwanoru ka joma tindoe moloyo jomoko,

Jakobo 3:14

To ka chunyu opong’ gi nyiego marach kod piem to kik upakru, kendo kik uriambi ka uumo adiera.

1 Petro 5:5

Kamano bende un joma tindo, nyaka uwinj jodongu, kendo un duto nyaka urwak muolo ka law, kukonyoru e kindu uwegi, nimar Muma wacho niya, “Nyasaye dagi josunga, to joma muol ema omiyo ng’wono.”