Mathayo 20:22 - MUMA MALER 2015

²² To Yesu nodwokogi niya, “Ok ung’eyo gima ukwayo! Uparo ni unyalo madho kikombe mar masira ma abiro madho?” Ne gidwoke ni, “Ee, wanyalo.”

Motingʼo Loko Manyien

²² To Yesu nowachonegi niya, “Ok ungʼeyo gima ukwayo. Bende unyalo madho kikombe ma adhi madhoni?” Negidwoke niya, “Wanyalo.”

Mathayo 20:22 ပူးပေါင်းရင်းမြစ်များ

Zaburi 75:3

Kata obedo ni piny oyiengni, mi ji duto modakie kihondko omako, to an ema nagur mise mage motegno.

Ngeche 16:18

Sunga kelo masira, kendo ng’ayi miyo ng’ato chwanyore.

Isaya 51:17

A malo! A malo, in dala Jerusalem. Ruoth Nyasaye osekumi malit ahinya komiyi kikombe ma mirimbe opong’o imadho. Adier, isemadho kikombe mamero ji, mi ilung’o.

Isaya 51:22

Ruoth Nyasaye ma Nyasachi kendo ma Ruodhi, ma chwako joge e bura, owacho kama: “Ng’e ni agolo kikombe mamero ji e lweti, mi ok nichak imethi e kikombe mar mirimbano, nikech aweyo kumi.

Jeremia 49:12

Ruoth Nyasaye wacho niya, “Ka ji mane ok owinjore kum, bende noyudo kum, koro un uparo ni dutony mak okumu? Ooyo, nyaka kumu!

Mathayo 26:35

To Petro nokone niya, “Ooyo, ok nakwedi ngang’ kata ka ochuno ni nyaka atho kodi.” Jopuonjrene mamoko duto bende nowacho mana kamano.

Mathayo 26:39

Eka nochwalore nyime matin, mopodho piny auma, kolemo niya, “A Wuora, kanyalore to kikombe mar masira ni mondo okadha; to kik obed kaka an ema adwaro to mana kaka in ema idwaro.”

Mathayo 26:42

Yesu nochako odok mar ariyo, mi olemo niya, “Wuora, ka kikombeni ok nyal kadho mak amadho, to gima idwaro ema mondo otimre.”

Mathayo 26:56

To magi duto otimore mondo wach mane jonabi ondiko ochop kare.” Eka jopuonjrene duto noringo moweye.

Mariko 14:36

Nowacho niya, “Baba! Wuora! In ema inyalo gik moko duto, gol kikombe mar masirani oa kuoma. To kik obed kaka an ema adwaro, to mana kaka in ema idwaro.”

Luka 12:50

Nitie sand mibiro sandago, to mano kaka chunya parore nyaka chop ayud sandno.

Luka 22:42

kowacho niya, “Wuora kiyie to gol kikombe mar masirani oa kuoma, to ok kaka an ema adwaro, to gima idwaro ema mondo otimre.” [

Johana 18:11

To Yesu nokwero Petro niya, “Dwok liganglani e olalo! Iparo ni ok onego amadh kikombe mar masira ma Wuora osemiya koso?”

Jo-Rumi 8:26

Mano e kaka Roho bende konyowa e nyawowa, nikech ok wang’eyo kaka owinjore walem. To Roho owuon kwayonwa Nyasaye, kachur gi chur ma weche dhano ok nyal wacho,

Jakobo 4:3

To kata ka ukwayo, to ok dwoku, nikech ukwayo gi paro marach, kudwaro timo mana gima un uwegi ema udwaro.