Mathayo 19:26 - MUMA MALER 2015

²⁶ Yesu nong’iyo wang’gi tir, mowachonigi niya, “Dhano ok nyal warore kende, to Nyasaye ema nyalo gik moko duto.”

Motingʼo Loko Manyien

²⁶ To Yesu nongʼiyogi tir mi owachonegi niya, “Mano en gima ok nyalre kuom dhano, to kuom Nyasaye to gik moko duto nyalore.”

Mathayo 19:26 ပူးပေါင်းရင်းမြစ်များ

Chakruok 18:14

Ruoth Nyasaye nomedo penje niya, “Bende nitie gimoro manyalo tama? Abiro duogo iri e kinde makama higa mabiro, kendo nanwang’ ka Sara osenywolo nyathi ma wuowi kaka asewacho.”

1 Ruodhi 17:16

Mogo manie dak kod mo manie agulu ne ok orumo, kaka Ruoth Nyasaye nomiyo Elija owacho.

Ayub 42:2

“A Ruoth Nyasaye, ang’eyo ni in gi teko duto, kendo inyalo timo gimoro amora midwaro.

Zaburi 3:8

Warruok wuok mana kuomi, A Nyasaye. Yie iguedh jogi!

Zaburi 62:11

Pile asewinjo ka Nyasaye wacho ni teko duto gin mage,

Jeremia 32:17

“A Ruoth Nyasaye! Ne ichueyo polo gi piny kod riekoni gi tekoni maduong’. Onge gima nyalo tami timo.

Jeremia 32:27

“An e Ruoth Nyasaye ma Nyasach ji duto, kendo onge gima nyalo tama timo.

Zekaria 8:6

“An Ruoth Nyasaye Manyalo Gik Moko Duto, awacho kama: Kata kapo ni gima kamano nenore ni joma odong’ e ogandani ka gima ok nyal timore, koro an bende nonenrena kamano?

Kwan 11:23

Eka Ruoth Nyasaye nopenjo Musa niya, “Bende nitie gimoro manyalo tamo Ruoth Nyasaye? Kawuono ibiro ng’eyo ka wechena gin adier, kata ka ok gin adier.”

Mathayo 19:25

To kane jopuonjre owinjo wachno, ne giwuoro ahinya, mi gipenjore ni, “Kara, ere ng’ama dikwo?”

Mathayo 19:27

Eka Petro nowacho ni, “To wan waseweyo gik moko duto mondo waluwi. Koro wabiro yudo ang’o?”

Mariko 10:27

Yesu nong’iyo wang’gi tir, mowachonigi niya, “Dhano ok nyal warore kende, to Nyasaye ema nyalo gik moko duto!”

Luka 1:37

nikech onge gima nyalo tamo Nyasaye.”

Luka 18:27

To Yesu nodwokogi niya, “Gik ma dhano ok nyal, Nyasaye ema nyalo.”

Jo-Hibrania 6:6

to bang’e odok chien, ok nyal dwoki mi chak lokre kendo, nimar gin giwegi giguro Wuod Nyasaye e msalaba, kendo gimiyo ichaye ratiro.

1 Samuel 14:6

Jonathan nowacho ni jating’ne gilweny niya, “Bi mondo waidh loka ir jolweny mag joma ok ter nyangugo. Dipo ka Ruoth Nyasaye okonyowa, nimar onge gima mono Ruoth Nyasaye resowa, kata ka wang’eny, kata ka wanok.”