Mathayo 18:35 - MUMA MALER 2015

³⁵ Yesu notieko, kawacho niya, “Mano e kaka Wuora mae polo bende notim ni ng’ato ka ng’ato kuomu ma ok oweyo ni wadgi gi chunye duto!”

Motingʼo Loko Manyien

³⁵ “Kamano e kaka Wuora manie polo biro timo ne ngʼato ka ngʼato ka ok oweyo ne nyawadgi gie chunye.”

Mathayo 18:35 ပူးပေါင်းရင်းမြစ်များ

Ngeche 21:13

Ka ng’ato odino ite ni ywak joma odhier, to en bende ywakne ok nowinji.

Ngeche 21:2

Ng’ato nyalo paro ni gik moko duto motimo ni kare, to Ruoth Nyasaye ema ong’eyo parone duto.

Jeremia 3:10

To kata bang’ mago duto jo-Juda ma andhoke ma owete jo-Israel nowuondore ni duogo ira, to ok ne gidwogo gi chunygi duto.”

Zekaria 7:12

Bende ne gijiwo chunygi mobedo matek ka kidi, mi gitamore winjo puonj kod weche duto mane Roho mara miyo jonabi machon puonjogi. Kuom mano an Ruoth Nyasaye Manyalo Gik Moko Duto nakumogi gi mirimba.

Mathayo 18:34

Mirima nomako ruodhno ahinya, mi otero jatichneno e jela, mondo okume kuno nyaka chop ochul gowino duto.”

Mathayo 6:12

bende wenwae richowa, kaka waweyo ni joma timonwa marach.

Mariko 11:25

To bende e kinde duto ma ichung’ kilemo, to nyaka iweni ng’ato wach moro marach ma in-go kode, mondo Wuonu mae polo oweni richoni. [

Mariko 11:26

Ka ok uweyo ni jomoko richogi, to Wuonu mae polo bende ok nowenu richou.]”

Luka 16:15

To Yesu nowachonigi niya, “Un e joma wuorore e nyim ji ni joma kare, to Nyasaye ong’eyo chunyu. Ng’euru ni Nyasaye ochayo gik moko ma dhano kwano ka gik madongo.

Jakobo 2:13

Jang’ad bura ok nokech ng’at ma ok kech ji. Ng’at ma kecho ji to onge gima oluoro kuom jang’ad bura.

Jakobo 3:14

To ka chunyu opong’ gi nyiego marach kod piem to kik upakru, kendo kik uriambi ka uumo adiera.

Jakobo 4:8

Nyasaye to kusudo ire to nosud iru. Un joricho, lwokuru luetu, kendo un johubagabaga, puodhuru chunyu.

Fweny 2:23

Nyithinde bende abiro nego, eka kanyakla duto mag jo-Kristo nong’e ni an ema ang’eyo chuny ji gi parogi, kendo ni amiyo ng’ato ka ng’ato kuomu pok mowinjore gi timne.