Mathayo 18:16 - MUMA MALER 2015

¹⁶ To ka otamore winji, to dog ire gi ji ariyo kata ng’at achiel, ‘mondo weche duto ong’ere malongo’ e nyim joneno adek kata ariyo’, kaka muma wacho.

Motingʼo Loko Manyien

¹⁶ To ka otamore winji to kaw ngʼato achiel kata ji ariyo idhi iwuogo kode, mondo, wach moro mantie e kind ji nyaka ngʼere malongʼo ka nitiere joneno ariyo kata adek.

Mathayo 18:16 ပူးပေါင်းရင်းမြစ်များ

1 Ruodhi 21:13

Ji ariyo macheje nodonjo, mobet momanyore kode. Eka ne gidonjo ni Naboth e nyim ji duto, ka giwacho niya, “Naboth noyanyo Nyasaye kod ruoth bende.” Omiyo ji nogole oko, kendo ne gigoye gi kite nyaka otho.

Kwan 35:30

“Ng’at moneko nyaka ng’adne buch tho mana kuom dho joneno. To wach janeno achiel kende ok oromo ng’ado ni ng’ato buch tho.

Johana 8:17

E Chiku bende ondikie ni, ka ji ariyo owinjore e wachgi, to wach ma giwacho ikwano ka adier.

2 Jo-Korintho 13:1

Koro abiro iru e limbena mar adek. Muma wacho ni weche duto nyaka ng’ere e nyim joneno adek kata ariyo.

Rapar mar Chik 17:6

Kik ung’ad ni ng’ato buch tho ka nitie mana janeno achiel kende, to unyalo ng’adone buch tho mana ka nitie joneno ariyo kata adek.

Rapar mar Chik 19:15

“Wach janeno achiel kende ok nyal mi ng’ad ni ng’ato bura kuom ketho moro, kata kuom richo moro, to wach nyaka ng’ere malong’o e nyim joneno ariyo kata adek.

1 Timotheo 5:19

Kik iyie giwach ma odonjnigo jaduong’ kanyakla mar jo-Kristo moro, kaonge joneno ariyo kata adek.

Jo-Hibrania 10:28

Ja-Yahudi moro amora machayo Chik Musa to inego ma ok okechi, ka nitie joneno ariyo kata adek manyalo hulo ni otimo kamano.

Fweny 11:3

To abiro miyo jonenona ariyo teko. Ginirwakre gi gunia, kendo ginihul wach moa kuom Nyasaye kuom ndalo alufu achiel gi mia ariyo kod piero auchiel.”