Mathayo 18:15 - MUMA MALER 2015

¹⁵ “Ka wadu moro otimoni marach, to dhi ire mondo inyise wachno ka un kode ji ariyo. Ka owinjo wachni to iloso kindi gi wadu.

Motingʼo Loko Manyien

¹⁵ “Ka owadu ochwanyi to dhi kendo inyise kethone, mana e kindu kode ji ariyo. Ka ochikoni ite mowinjo to mano iseloso kindi gi owaduno.

Mathayo 18:15 ပူးပေါင်းရင်းမြစ်များ

Zaburi 141:5

Ng’at makare nyalo kuma, kendo kwera gi ng’wono, to ok nawe jaricho wir wiya gi mo, nikech pile alemo mondo timbene maricho okethre.

Ngeche 11:30

Tim makare kelo ngima maber. Timbe mahundu to kelo mana tho!

Tim jo-Lawi 19:17

Kik imak sadha gi wadu, to nyaka inyise kethone wang’ gi wang’; mano eka ok dibed jaketho.

Mathayo 18:14

Kamano e kaka Wuonu mae polo bende ok dwar mondo achiel kuom joma tindogi olal.

Mathayo 18:21

Bang’e Petro nobiro ir Yesu, mopenje ni, “Ruoth, owadwa dikethna nyadidi, kapod aweyone aweya? Dawene nyaka ndalo abiriyo koso?”

Mathayo 18:35

Yesu notieko, kawacho niya, “Mano e kaka Wuora mae polo bende notim ni ng’ato ka ng’ato kuomu ma ok oweyo ni wadgi gi chunye duto!”

Jo-Rumi 12:21

Kik uwe richo lou, to timuru gik mabeyo mondo ulogo richo.

1 Jo-Korintho 8:12

To kutimo richo kamano ni oweteu, kendo uketho chunygi, to utimo richo mana ni Kristo!

2 Jo-Korintho 7:12

Omiyo kata obedo ni ne andikonu kamano, to ne ok andiko nikech ng’at mane otimo marach, kata nikech ng’at mane otimne marach, to nandiko mana ni mondo un uwegi une kinda mutimo nikech wan, kendo mondo kindano onenre e nyim Nyasaye bende.

Jo-Galatia 6:1

Owetena, kata ka oyud ng’ato rando katimo gimoro marach, to un ma uwuotho kuom Roho nyaka utem mondo urieye gi chuny mamuol, kuritoru mondo un bende kik udonj e tem ma kamano.

Jo-Kolosai 3:13

Beduru jogo ma ng’wono ni joma timonigi marach, to kik ubed joma mako sadha gi jowadgi. Ruoth oseweyonu richou, omiyo un bende nyaka uwe ni joma timonu marach.

1 Jo-Thesalonika 4:6

Kik ng’ato tim ni wadgi marach, kata wuond wadgi e wachni, nikech Ruoth nochul kuor kuom wechegi duto, mana kaka ne wawachonu chon ka wasiemou matek.

2 Jo-Thesalonika 3:15

To kik ukwane ka jasigu, to siemeuru ka owadu kuom Kristo.

Tito 3:10

Kisesiemo ng’at makelo pogruok diriyo, to weri kode chuth!

1 Petro 3:1

Un mon bende nyaka uluor chwou, mondo ka nitie chwo moko ma ok oyie, to gilokre ka gineno kaka ngimau chal,