Mathayo 17:17 - MUMA MALER 2015

¹⁷ Yesu nowacho niya, “Yaye! Ma tieng’ maonge gi yie, kendo mobam manade! Nyaka karang’o ma onego abedie kodu? Koso anachandra kodu nyaka karang’o?”

Motingʼo Loko Manyien

¹⁷ Yesu nodwokogi kawacho niya, “Yaye tiengʼ maonge gi yie kendo mokethoreni, anabed kodu nyaka karangʼo? Abiro chandora kodu nyaka karangʼo? Kel ane wuowino ka.”

Mathayo 17:17 ပူးပေါင်းရင်းမြစ်များ

Zaburi 95:10

Ne asin kodgi kuom higni piero ang’wen, mi awacho niya, ‘Gitamore winjo chikena, kendo ok ging’eyo yorena.’

Wuok 10:3

Kuom mano Musa gi Harun nodhi ir Farao, mowachone niya, “Ruoth Nyasaye ma Nyasach jo-Hibrania owacho kama: ‘Pod ibiro dagi bolori e nyima nyaka kar ang’o? We joga oa mondo odhi olama.

Wuok 16:28

Eka Ruoth Nyasaye nowacho ni Musa niya, “Ubiro tamoru rito chikena gi buchena nyaka karang’o?

Ngeche 1:22

Owacho niya, “Koro un joma ofuwogi, udwaro chalo kama nyaka karang’o? Koso nyaka karang’o ma ubiro tugoe gi rieko? Un ok unyal puonjoru ngang’?

Ngeche 6:9

Koro, in ng’at ma jasamwoyo, to ibiro budho abudha nyaka karang’o? Koso karang’o ma ibiro chung’ ia kama inindoe?

Isaya 19:14

Ruoth Nyasaye osemiyogi chuny mar fuwo. Emomiyo rieko duto ma ging’ado obam, kendo gimiyo jo-Misri kier e gik moko duto ma gitimo, mana kaka ng’at momer kier e ng’okne.

Jeremia 4:14

Un jo-Jerusalem, lwokuru richo manie chunyu mondo oresu. Ubiro siko kuparo weche maricho nyaka karang’o?

Kwan 14:11

Ruoth Nyasaye nowacho ni Musa niya, “Jogi biro chaya kamano nyaka karang’o? Pod gibiro tamore gena marom nadi, to eka asetimonigi ranyisi mang’eny?

Kwan 14:27

“Asewinjo ka jo-Israel ng’urna. Anyalo ng’wono ni oganda marachni nyaka karang’o?

Mathayo 13:58

Ne ok otimo honni mang’eny kuno, nikech jogo ne onge gi yie.

Mathayo 16:8

Yesu nong’eyo gima giwacho, omiyo nopenjogi niya, “Ere gima omiyo uwacho ni ne ok ubiro gi makati? Mano kaka yie ma un go tin!

Mathayo 17:16

Nende akele ni jopuonjreni, to ne ok ginyal change.”

Mathayo 17:18

Eka Yesu nokwero jachiendno matek, mi owuok oko kuom rawerano, mi rawerano ochango mana gikanyo.

Mathayo 6:30

To ka lum aluma mae thim, ma kawuono nitie, to kiny ipudho kendo ibolo e mach, ema Nyasaye rwako maber kamano, to koro donge doket chunye moloyo kuom rwakou? Yaye, un joma nigi yie matin-gi!

Mathayo 8:26

Yesu nodwokogi kapenjogi ni, “Ere gima omiyo uluor, un joma nigi yie matin-gi?” Eka noa malo, mokwero ahiti kod apaka, mi nam okue thi!

Mariko 16:14

Bang’e mogik, Yesu nofwenyore ni jopuonjrene apar gachiel kane oyudo gichiemo. Noseyogi nikech ne gisedagi yie, kendo nikech chunygi ne tek, ma ok ginyal yie wach joma ne onene kosechier.

Mariko 9:19

Eka Yesu nowacho ni ji niya, “Yaye, ma tieng’ ma onge yie manade! Nyaka karang’o monego abedie kodu? Koso anachandra kodu nyaka karang’o? Keluru rawerano ira ka”.

Luka 24:25

Kane gisetieko wuoyo kamano, Yesu nowachonigi niya, “Yaye un joma ofuwo! Mano kaka ung’ulni kuom yie gik moko duto mane jonabi owacho!

Luka 9:41

Yesu nodwoko niya, “Yaye, ma tieng’ maonge gi yie, kendo mobam manadi! Nyaka karang’o ma onego abedie kodu, ka achandora kodu kama!” Eka nowacho ni ng’atno ni, “Kel wuodi ka.”

Johana 20:27

Eka nowacho ni Thoma niya, “Kel lith leti ka, ine luetena. Lueti bende kel mondo iso e ng’etna. We bedo ng’at ma ok oyie, to bed ng’at man gi yie!”

Tich Joote 13:18

kendo nokurogi e thim kuom higni ma dirom piero ang’wen.

Tich Joote 2:40

Eka Petro nomedo weche moko mang’eny, kosiemo ji, kendo kojiwogi mondo giresre kuom kum ma tieng’ mobamno biro yudo.

2 Jo-Korintho 11:1

Yieuru uhore mos, nikech adwaro bedo mofuo matin! To ang’eyo ni useyie koda.

Rapar mar Chik 32:5

Tieng’ni to en tieng’ makoch, kendo mobam, ma timbegi mobam nyiso ni ok gin nyithind Ruoth Nyasaye.