Mathayo 15:33 - MUMA MALER 2015

³³ To jopuonjrene nopenje ni, “Ere kama dwayudie chiemo e thim ka, ma dirom oganda maduong’ni?”

Motingʼo Loko Manyien

³³ Jopuonjrene nodwoke niya, “Ere kuma dwayudie makati e dier thim manyalo pidho oganda maduongʼ machal kama?”

Mathayo 15:33 ပူးပေါင်းရင်းမြစ်များ

Mathayo 14:15

Kane piny ochopo odhiambo, jopuonjrene nodhi ire, mowachone ni, “Piny koro yuso, kendo kaeri en thim, omiyo we ni ji thuolo mondo odhi e mier, ong’iew chiemo ma gibiro chamo.”

Mathayo 15:32

Yesu noluongo jopuonjrene, mowachonigi niya, “Akecho jogi, nikech gisebet koda kuom ndalo adek, to koro gionge chiemo. To ok adwar weyogi gidog ka gidenyo kamano, nimar dipo ka nong’no oterogi e yo.”

Mathayo 15:34

Yesu nopenjogi ni, “Un gi makati adi?” Ne gidwoke ni, “Wan gi makati abiriyo, kod rech moko manok matindo tindo.”

Mariko 6:37

To Yesu nodwokogi ni, “Un ema mondo umigi chiemo.” Ne gipenjo Yesu niya, “Idwaro ni mondo wadhi wang’iew makati moromo siling’ mia auchiel, wamigi gicham koso?”

Luka 9:13

To Yesu nowachonigi ni, “Un ema mondo umigi chiemo gicham.” Ne gidwoke niya, “Wan mana gi makati abich kod rech ariyo kende. Koso idwaro ni mondo wadhi wang’iew chiemo ni jogi duto?”