Mathayo 14:36 - MUMA MALER 2015

³⁶ Ne gihombe mondo oyie joma tuo omulie kata mana riak lawe kende. Kamano ji duto mane omulo riak lawe nochango.

Motingʼo Loko Manyien

³⁶ kendo negisaye mondo oyie joma ne tuogo omulie kata mana riak lawe kende, kendo ji duto mane omule nochango.

Mathayo 14:36 ပူးပေါင်းရင်းမြစ်များ

Mathayo 14:35

to ji nong’eyo Yesu, omiyo ne gioro wach e gweng’no duto, mi okel joma tuo ire.

Mathayo 23:5

Gik moko duto ma gitimo, gitimo mana ni mondo ji onegi. Gitueyo gik madongo moting’o weche Muma, e pat wag’gi kendo e bedegi, kendo girwako lewni momin usi maboyo e riakgi,

Mariko 3:10

Ne oyudo osechango ji mang’eny ahinya, omiyo ji matuo nosiko ka riyore, mondo gichop ire, gimule.

Mariko 6:56

Kuonde duto mane Yesu odhiye e gweng’no, ji ne pielo jogi matuo e chirni, ka gihombe ni mondo oyie joma tuogo omulie kata mana riak lawe kende. Kamano ji duto mane omulo riak lawe ne odoko mangima.

Mariko 8:22

Bang’e ne gidhi Bethsaida, mi jomoko nokelo ni Yesu ng’at ma muofu, ka gihombe mondo oket lwete kuome.

Luka 6:19

Ji duto notemo mondo omul Yesu, nikech teko ne wuok kuome kachangogi giduto.

Johana 6:37

Ji duto ma Wuoro omiya nobi ira, kendo ng’ato ang’ata mobiro ira ok nariemb ngang’,

Johana 7:23

To ka un utero nyathi nyangu chieng’ Sabato, mondo kik uketh Chik Musa, to marang’o ukecho koda kuom chango ng’ato chieng’ Sabato, mi dende duto bed mangima?

Tich Joote 3:16

Nying Yesu ma jal muneno kendo ung’eyoni oyie, ema omiye teko. Adier, yie moyiego kuom Yesu ema osemiyo odoko mangima, mana kaka uneno udutoni.”