Mathayo 13:47 - MUMA MALER 2015

⁴⁷ “To bende Loch Polo chalo gi tol mobol e nam, mamako kit rech duto.

Motingʼo Loko Manyien

⁴⁷ “Bende pinyruodh polo chalo gi gogo mane ochiki e nam momako kit rech duto mopogore opogore.

Mathayo 13:47 ပူးပေါင်းရင်းမြစ်များ

Ezekiel 47:10

Jolupo nobed ka moyo tondegi e geng nam, chakre Engedi nyaka Eneglaim. Kit rech mang’eny mopogore opogore machalo mago manie Nam Mediterenia noyudre kuno.

Mathayo 13:44

“Loch Polo chalo gi mwandu mane opandi e puodho, mi ng’ato oyudo, mi ochako oyiko kendo. Ng’atno nodoko mamor ahinya, omiyo nodhi oloko gige duto pesa, mi oduogo ong’iewo puodhono.

Mathayo 13:46

to ka osenwang’o moro maberie moloyo moko duto, to odhi oloko gige duto pesa, mondo ong’iewego.

Mathayo 13:48

Ka osepong’, to jolupo ywaye oko e dhowath, kendo gibet piny mondo gipog rech. Rech mabeyo giketo e oserni, to maricho giwito oko.

Mathayo 4:19

Yesu nowachonigi niya, “Luwauru, mondo kar yuayo rech to atimu joywa ji.”

Mariko 1:17

Ne owachonigi niya, “Luwauru mondo kar ywayo rech, to atimu joywa ji.”

Luka 5:10

Jakobo gi Johana ma yawuot Zebedi mane jotiyo gi Simon bende nowuoro. To Yesu nowacho ni Simon niya, “Kik ibed maluor, nikech chakre kawuono, kar ywayo rech, to ji ema ibiro bedo kiywayo!”

Johana 15:2

Bedena duto ma ok nyag olemo, ong’ado oko, to bede duto ma nyago olemo olwero maler mondo omed nyak.

Johana 15:6

Ka ng’ato ok obet kuoma to iwite oko, mana kaka iwito bad yath, mi two. Bede ma kamago ichoko, kendo iwito e mach, mi wang’.

Tich Joote 20:30

Ndalo biro ma jomoko nowuogie kuomu, mi puonj weche ma miriambo mondo giywago jopuonjre oluwgi.

1 Jo-Korintho 11:19

nikech pogruok nyaka bed e kindu, mondo joma ogen ong’ere ratiro!

2 Jo-Korintho 11:26

E wuodhena mang’eny pile ne aneno masiche e aore, kendo nayudo thagruok kuom jomecho, kendo kuom jo-Yahudi wetena kod kuom joma ok jo-Yahudi. Bende ne aneno masiche e mier, gi thim, gi nembe, kendo kuomowete mag miriambo.

Jo-Galatia 2:4

To mak mana jomoko mane obiro kanyo kawuondore ni gin owete, ema ne dwaro ni mondo otere nyangu. Jogo ne obiro ling’ling’ mondo ocher ane ni thuolo manade ma wan-go kuom bedo jo-Kristo, nikech ne gidwaro lokowa wasumbni.

Fweny 3:1

“Ndik ni malaika mar kanyakla mar jo-Kristo man Sarde niya, ‘Weche mag Jal man gi Roho abiriyo mag Nyasaye, kod sulue abiriyo e magi: “ ‘Ang’eyo timbeni duto, bende ang’eyo ni in gi nying’ ni ingima, to kata kamano isetho.