Mathayo 12:38 - MUMA MALER 2015

³⁸ Jopuonj Chik moko kod jo-Farisai moko nowacho ni Yesu niya, “Japuonj, wadwaro mondo itimnwa hono manyiso ni in gi teko moa kuom Nyasaye.”

Motingʼo Loko Manyien

³⁸ Eka jo-Farisai moko gi jopuonj chik nowachone niya, “Japuonj wadwaro neno hono mitimo kaka ranyisi.”

Mathayo 12:38 ပူးပေါင်းရင်းမြစ်များ

Mathayo 12:37

Weche mawuok e dhogi ema nomi ilo bura, kata ema nomi bura loyi.”

Luka 11:16

Jomoko to ne dwaro teme, omiyo ne giwachone ni mondo otimnigi ranyisi moa e polo, manyiso ni Nyasaye ni kode.

Luka 11:29

Kane ji mathoth ochokore mothung’o Yesu, ne owacho niya, “Mano kaka tieng’ ma kawuononi en tieng’ marach! Gikwayo mondo otimnigi ranyisi, to onge ranyisi ma notimnigi mak mana ranyisi mar Jona.

Johana 2:18

Jodong jo-Yahudi nopenjo Yesu ni, “Ere gima nyalo nyisowa ni in gi teko mar timo gima isetimono?”

Johana 4:48

Yesu nowachone niya, “Un, ka ok uneno ranyisi gi honni, to ok unyal bedo gi yie.”

Johana 6:30

Kuom mano ne gichako gipenje niya, “To ere ranyisi minyalo timo mondo wane, eka wayie gima iwacho? Ang’o minyalo timo?

1 Jo-Korintho 1:22

Jo-Yahudi to dwaro neno honni kaka ranyisi, kendo jo-Grik manyo rieko.