Mathayo 12:35 - MUMA MALER 2015

³⁵ Ng’at maber golo gik mabeyo kuom mwandu mabeyo mokano e chunye. To ng’at marach to golo mana gik maricho kuom mwandune maricho.

Motingʼo Loko Manyien

³⁵ Ngʼat maber golo gik mabeyo mawuok kuom ber mokano e iye, to ngʼat marach golo gik maricho mawuok kuom rach mokano e iye.

Mathayo 12:35 ပူးပေါင်းရင်းမြစ်များ

Ayub 8:10

Kuom mano, we ipuonjri kuom rieko joma chon, mondo iyud rieko mang’eny mane gin-go.

Ngeche 12:6

Weche joricho oting’o mana tho lilo. Weche joma kare to reso joma nie chandruok.

Ngeche 15:23

Ka ng’ato odwoko wach maber, to obedo mamor. Adier, wach mowinjore gi sane, ber manade!

Ngeche 15:28

Joma beyo paro matut kapok odwoko wach. Joma timbegi richo to dwoko wach piyopiyo, kendo wechegigo kelo chandruok.

Ngeche 15:4

Weche mang’won kelo ngima. Weche maricho to nyoso chuny.

Mathayo 12:34

Un nyithi thuondegi! Ere kaka weche muwacho dibed mabeyo, to un uwegi un joricho? Chutho gik mopong’o chuny dhano ema wuok e dhoge.

Mathayo 13:52

Eka nomedo wachonigi niya, “Ka kamano, to japuonj Chik mapuonjore wach Loch Polo chalo gi wuon dala magolo mwandun manyien gi machon kar kenone.”

Mathayo 7:17

Yien mabeyo nyago olemo mabeyo, to yien maricho nyago olemo maricho.

Luka 6:45

Kamano ng’at maber golo gik mabeyo kuom mwandu mabeyo manie chunye, kendo ng’at marach golo gik maricho kuom mwandune maricho, nikech gik mopong’o chuny ng’ato ema dhoge wacho.

Jo-Efeso 4:29

Ka uwuoyo to wach moro marach kik wuog e dhou, to wachuru mana weche mabeyo kendo makonyo ji, kendo mowinjore, mondo joma winjo wecheu oyud konyruok.

Jo-Kolosai 3:16

Wach Kristo, gi gueth duto mokelo, mondo odag e chunyu. Puonjreuru kendo jiwreuru gi rieko duto. Weruru mamit e chunyu ni Nyasaye, kugoyone erokamano gi wende Zaburi gi wende pak kod wende mag chuny.

Jo-Kolosai 4:6

Wecheu onego bed mang’won pile kendo man gi ndhadhu, kendo nyaka ung’e kaka udwoko ng’ato ka ng’ato.