Mathayo 12:25 - MUMA MALER 2015

²⁵ Yesu nong’eyo gima giparo, omiyo nowachonigi niya, “Piny moro amora ma joge opogore e kindgi giwegi ok nyal betie. Bende dala kata ot ma joge opogore ok nyal chung’.

Motingʼo Loko Manyien

²⁵ Yesu nongʼeyo parogi mi nowachonegi niya, “Pinyruoth moro amora mopogore owuon nyaka kethre, kendo dala moro amora kata ot mantiere pogruok ok nyal chungʼ.

Mathayo 12:25 ပူးပေါင်းရင်းမြစ်များ

1 Ruodhi 16:21

Eka jo-Israel nopogore diriyo. Jomoko noluwo Tibni wuod Ginath, ka gidwaro kete ruoth, to jomoko noluwo Omri.

Zaburi 139:2

Ing’eyo gik moko duto ma atimo. Adier, ing’eyo parona duto gi kuma bor!

Isaya 9:21

To kata kamano mirimb Ruoth Nyasaye ok norum kendo pod nosik kokumogi akuma.

Jeremia 17:10

An Ruoth Nyasaye amanyo paro mar dhano, kendo apimo rieko mag ji. Atimo ni ng’ato ka ng’ato mana kaka ochalo, kendo mana ka luwore gi timbene.

Amos 4:13

Nyasaye ema noloso gode, kendo ochueyo yamo. Onyiso dhano parone, bende oloko ler mar odiechieng’ bedo mudho. En e ruodh piny duto, kendo nyinge en Ruoth Nyasaye Manyalo Gik Moko Duto.

Mathayo 9:4

To Yesu nong’eyo gima giparo, omiyo nowachonigi niya, “Mar ang’o uparo gik maricho kamago e chunyu?

Mariko 2:8

Gikanyono Yesu nong’eyo paro ma gin go, omiyo nopenjogi niya, “Ang’o momiyo uparo kamano?

Johana 21:17

Bang’e nopenje kendo mar adek niya, “Simon wuod Johana, ihera adier?” Petro noparore nikech mano koro ne penjo mar adek ni, “Ihera?” Omiyo nodwoke ni, “Ruoth in ing’eyo gik moko duto. Ing’eyo ni aheri.” Yesu nowachone ni, “Kwa romba.

1 Jo-Korintho 2:11

Onge ng’ato manyalo ng’eyo paro manie chuny ng’ato machielo, to mak mana chuny ng’ato ema ong’eyo parone owuon. Kamano bende e kaka Roho mar Nyasaye kende ema ong’eyo paro mar Nyasaye.

Jo-Galatia 5:15

To ka ukaru kendo ukidhoru kendu mana ka ondiegi, to nyaka utang’, nono to utiekoru pep!

Jo-Hibrania 4:13

Onge gimoro amora mochue, manyalo pondo ni Nyasaye, to gik moko duto elore e lela ni Jal ma nyaka wanyis gik ma wasetimo.

Fweny 16:19

Dala maduong’ nobarore didek, kendo mich ogendini duto mae piny nomukore. Nyasaye noparo Babulon dala maduong’, mi ne omiyo omadho kikombe mar divai mar mirimbe mager!

Fweny 2:23

Nyithinde bende abiro nego, eka kanyakla duto mag jo-Kristo nong’e ni an ema ang’eyo chuny ji gi parogi, kendo ni amiyo ng’ato ka ng’ato kuomu pok mowinjore gi timne.