Mathayo 12:20 - MUMA MALER 2015

²⁰ Kata mana odundu motore ok enotur, mi owit ka gima nono, kendo ok nosim kata mana taya maliel marachrach, nyaka chop okel bura makare kuonde duto.

Motingʼo Loko Manyien

²⁰ Kata obedo ni onenore kaka odundu mayom yom to ok notur, kendo kata obedo ni oliel ka taya ma mirimiri to ok notho, nyaka chop otel ne adiera mi lochi.

Mathayo 12:20 ပူးပေါင်းရင်းမြစ်များ

2 Ruodhi 18:21

Ang’eyo ni idhialori nikech jo-Misri, to nyaka ing’e ni Farao ruodh Misri chalo gi odundu mobarore, ma ka ng’ato oyiengoree, to pilore, kendo chwowo lwete. Mano e kaka Farao ruodh Misri chalo ni ji duto mogeno kuome.

Zaburi 147:3

bende oduogo chuny joma genogi oserumo, kendo othiedho adhondegi.

Zaburi 51:17

A Nyasaye, misango midwaro en chuny mobolore, nikech ok nidagi chuny motur kendo mojok gi richo.

Isaya 40:11

Ochalo jakwath ma sembo jambe, koting’o nyirombe e bade, kendo oriwogi e kore, kotelo ni mago man gi nyithindo, kotero modho.

Isaya 57:15

Ng’ama Duong’ Moloyo, ma nyinge Ng’ama Ler, kendo mosiko nyaka chieng’ wacho kama: “Adak kama ler kendo man malo, gi joma chunygi obolore kendo muol, mondo aduog chuny joma muol, kendo ajiw teko mar joma obolore.

Ezekiel 34:16

“Anamany rombe molal, mi achok mago moke, bende anachom mago motur, kendo anathiedh mago matuo, mi arit mago mangima kendo machue, nimar an e jakwath marito rombe e yo makare.

Tim jo-Lawi 10:20

Kane Musa owinjo kamano, noneno ni Harun ni kare.

Mathayo 11:28

“Biuru ira, un duto mujony kendo mugangoru mapek, mondo amiu yueyo.

Mathayo 11:7

Kane oyudo jopuonjre Johana koro dok, Yesu nowuoyo ni ji kuom Johana, kopenjogi niya, “E kinde mane udhi ir Johana e thim, ang’o mane udhi neno? Odundu ma yamo yiengo koso?

Luka 4:18

“Roho mar Ruoth Nyasaye ni kuoma, nikech oseyiera mi owira, mondo aland Wach Maber ni joma odhier. Oseora mondo ahul ni joma otue ni koro ogonygi, kendo ni muofni ni oyaw wengegi, bende ni, mondo ahul ni joma isando ni giyudo thuolo

2 Jo-Korintho 2:14

To wagouru ni Nyasaye erokamano nikech wan ma wan kuom Kristo, otelonwa pile koselocho, kendo komiyo walando wach man kuom Kristo kuonde duto, mana ka tik mang’ue ng’ar.

2 Jo-Korintho 2:7

omiyo koro onego uwene kethone, kendo uduog chunye, nono to kuyo malit ohewe.

Fweny 6:2

Eka ne ang’icho mi aneno faras marachar. Ng’at moidhe noting’o atung’, kendo ne osidhne osimbo, mi nowuok kaka jalocho madhi mondo olochi.