Mathayo 11:5 - MUMA MALER 2015

⁵ Nyiseuru ni muofni neno, pudhe wuotho, jodhoho ichango, joma itgi odino winjo wach, joma otho ichiero, kendo joma odhier ilandonigi Wach Maber.

Motingʼo Loko Manyien

⁵ Muofni neno, rongʼonde wuotho, jogo man-gi dhoho ichango, joma itgi odinore winjo wach, joma otho ichiero, kendo Injili iyalo ne joma odhier.

Mathayo 11:5 ပူးပေါင်းရင်းမြစ်များ

2 Ruodhi 5:14

Omiyo nolor modhi onimo e aora Jordan dibiriyo, kaka ng’at Nyasaye nowacho, mi nopwodhore, kendo dende noduogo mapakni ka dend nyathi matin.

2 Ruodhi 5:7

Kane ruodh Israel osomo barua noyiecho lepe, kowacho niya, “An e Nyasaye koso, ma anyalo nego ng’ato kata miye ngima, momiyo jali orona ng’ato mondo athiedh dhohone? Neuru kaka odwaro dhaw kodwa!”

Zaburi 146:8

kendo omiyo muofni neno. Oting’o joma obolore malo, kendo ohero joma kare.

Zaburi 22:26

Joma odhier nochiem achiema mi yieng’, kendo jogo madwaro Ruoth Nyasaye biro pake. Mad gidhi nyime maber nyaka chieng’!

Wuok 4:11

Ruoth Nyasaye nowachone niya, “En ng’a ma chueyo dho dhano, kata en ng’a ma miyo dhano doko momo, kata ma ite odino? En ng’a mamiye wang’ mabith, kata loke muofu? Donge an Ruoth Nyasaye ema atimo gigi duto?

Isaya 29:18

Chieng’no, joma itgi odino nowinj wach, ka isomo kitabu, kendo joma wengegi osebedo kotimo mudho mandiwa, nonen.

Isaya 29:19

Joma muol nochak obed mamor kuom Ruoth Nyasaye. Adier, joma odhierie moloyo nobed mamor kuom Ng’ama Ler mar Israel.

Isaya 43:8

Keluru jogo. Gin joma nigi wenge, to ok nyal neno. Bende gin gi it, to ok ginyal winjo.

Isaya 66:2

Gigi duto an ema achueyo, kendo an e wuon-gi. An Ruoth Nyasaye ema awacho kamano. Ng’at ma abiro konyo en ng’at mamuol, ma chunye otur, kendo ma tetni kowinjo wachna.

Zekaria 11:7

Kuom mano ne adoko jakwadh rombe miyang’o, ka atiyo ni joohand rombe. Bang’e ne akawo ludhe ariyo, mi achako achiel ni, ‘Ng’wono’, to machielo ne achako ni, ‘Riwruok’. Kamano ne abedo jakwadh rombe.

Mathayo 10:8

To bende changuru joma tuo, kendo chieruru joma otho, bende puodhuru jodhoho, kendo goluru jochiende. To kaka useyudo nono bende chiwuru nono.

Mathayo 11:4

Yesu nodwokogi niya, “Doguru mondo unyis Johana gik musewinjo, kendo uneno.

Mathayo 12:13

Eka nowacho ni ng’at ma lwete otalno niya, “Rie lweti!” Ng’atno norieyo lwete, mi lwete odoko mangima mana kaka komachielo.

Mathayo 21:14

Muofni kod rang’onde nobiro ire e Hekalu, mochangogi.

Mathayo 5:3

“Joma ong’eyo ni ok long’o e nyim Nyasaye gin johawi, nikech gueth mar Loch Polo en margi.

Mathayo 9:30

Gikanyono wengegi noyawore, to Yesu nokwerogi matek ni kik ginyis ng’ato wachno.

Mariko 7:37

Kendo ji duto mane owinjo, nodhier nono, kawacho niya, “Mano kaka otimo gik moko duto maber! Kata mana joma itgi odino omiyo winjo wach, kendo joma momo omiyo wuoyo!”

Mariko 9:25

Yesu noneno ka ji chako sudo machiegni, omiyo nokwero jachien matek, kowacho niya, “In jachien mamiyo rawerani doko momo, kendo ite dino, wuog oko kuom rawerani kendo kik ichak idwog kuome!”

Luka 4:18

“Roho mar Ruoth Nyasaye ni kuoma, nikech oseyiera mi owira, mondo aland Wach Maber ni joma odhier. Oseora mondo ahul ni joma otue ni koro ogonygi, kendo ni muofni ni oyaw wengegi, bende ni, mondo ahul ni joma isando ni giyudo thuolo

Johana 10:25

Yesu nodwokogi ni, “Asenyisou, to utamoru yie. Gik ma atimo e nying Wuora ema wuoyonu kuoma.

Johana 10:38

To ka atiyo tichne, to kata ka ok unyal yie koda, to onego uyie gi tich matiyo, mondo ung’e chutho ni an ei Wuora kendo Wuora ni eiya.”

Johana 2:23

Kane Yesu ni Jerusalem, e Sap Pasaka, ji mathoth noyie kuome, nimar ne gineno honni motimo.

Johana 3:2

nodhi ir Yesu gotieno, mowachone niya, “Rabi, wang’eyo ni in japuonj moa ka Nyasaye, nikech onge ng’at manyalo timo honni mitimogi, mak mana ka Nyasaye ni kode.”

Johana 5:36

Adier, Johana nowuoyo kuoma kanyiso ni Wuora noora, to koro tich ma atiyo, mane Wuoro omiya mondo ati, nyiso malong’o ni Wuoro noora, moloyo kaka ne Johana onyiso.

Johana 9:7

Eka nowachone ni, “Dhi ilwok wang’i e yawo mar Siloam.” (Tiend nying yawono en ‘Ote’.) Kuom mano ng’atno nodhi olwoko wang’e mi odwogo ka oneno.

Tich Joote 2:22

“Un jo-Israel, winjuru gima awachonu. Yesu ja-Nazareth ne ng’at mane Nyasaye onyisou ni oyiego, komiyo otimonu honni gi timbe malich miwuoro kod ranyisi, kaka un uwegi ung’eyo, nikech gigo notimore e dieru.

Jakobo 2:5

Owetena mahero, winjuru gima awacho. Donge Nyasaye noyiero joma piny kwano ka jochan mondo obed jomwandu korka yie, kendo obed joma yudo gueth mar Loch Nyasaye, mane osingore ni nomi joma ohero?