Mathayo 11:28 - MUMA MALER 2015

²⁸ “Biuru ira, un duto mujony kendo mugangoru mapek, mondo amiu yueyo.

Motingʼo Loko Manyien

²⁸ “Biuru ira, un duto mujony kendo motingʼore mapek, mondo amiu yweyo.

Mathayo 11:28 ပူးပေါင်းရင်းမြစ်များ

Ayub 14:1

Ndalo dhano nok, kendo oneno thagruok mathoth.

Ayub 5:7

to dhano ema kelo ni en owuon chandruok, mana kaka ong’ere ni winy huyo e kor polo.

Zaburi 116:7

A yaye chunya, bed gi geno, nimar Ruoth Nyasaye osebedona mang’won.

Zaburi 32:4

A Ruoth Nyasaye, ne ikuma odiechieng’ gotieno, mi tekra ne oduono chuth, mana ka pi ma duno e ndalo oro.

Zaburi 38:4

Achako nyumora e ataro mar richona. Pek mar richona ohewa ting’o.

Zaburi 94:13

nikech imiye yueyo e kinde mag chandruok ka joricho to ichikonigi obadho.

Eklesiastes 1:14

Aseneno gik moko duto matimore e piny ka mi afwenyo ni gionge tich, mana ka yamo makadho.

Eklesiastes 1:8

Gik moko duto miyo dhano bedo mool. Adier, ool motamore gi nono. Kata obedo ni wengewa neno gik mang’eny, to pod gidwaro mana neno gik moko. Itwa bende winjo weche mathoth, to pod dwaro mana winjo weche manyien.

Eklesiastes 4:8

En ngima ng’at modak kende maonge gi wuowi kata gi owadgi. Pile otiyo atiya matek, to mwandu moyudo ok rome. Openjore niya, “En ng’a ma atiyone matek, ka atuonora gik mabeyo ma onego acham?” Mano bende en gima nono, ma ok owinjore kata matin.

Isaya 1:4

A yaye oganda ma joricho ma opong’ gi timbe mamono, kendo ma joge joketho ma acheje! Useweyo Ruoth Nyasaye, Ng’ama Ler mar Israel kuchaye kendo ulokone ng’eu.

Isaya 11:10

E ndalogo, nyakwar Jesseno noketi ka ranyisi ni ji. Ogendini nobi ire, kendo dalane nobed gi duong.

Isaya 28:12

Chon Nyasaye nowachonigi niya, “Achiwonu yueyo maradier, kendo joma ool mondo oyue. Adier, mano e yueyo.” To ne gidagi winjo.

Isaya 61:3

Abiro hoyo chuny ji duto man gi lit, kendo gik ma abiro miyogi e magi: Maua mabeyo, kar buru ma gibukorego; kendo mor, kar lit ma gin go, kod pak, kar bedo gi chuny mool. Enoluonggi ni, yien mag tim makare, ma Ruoth Nyasaye opidho mondo oyudgo duong’.

Isaya 66:2

Gigi duto an ema achueyo, kendo an e wuon-gi. An Ruoth Nyasaye ema awacho kamano. Ng’at ma abiro konyo en ng’at mamuol, ma chunye otur, kendo ma tetni kowinjo wachna.

Jeremia 31:25

Anaduog chuny joma ool, kendo ng’ato ang’ata ma kech ohewo anami chiemo.

Jeremia 35:16

Nyikwa Jonadab oserito chik mane kwargi omiyogi, to un to utamoru winja.

Jeremia 6:16

Ruoth Nyasaye wacho ni joge niya, “Chung’uru e akek yo, mondo urang wang’yore machon, kupenjo kuma yo maber nitie. Wuothuru e wang’yorno, mi unuyud kue.” To gidwoko niya, “Ok wanawuothi e wang’yorno.”

Mathayo 11:29

Rwakuru lodi ma amiyou e ng’utu, kendo puonjreuru kuoma, nikech chunya muol kendo dembore.

Mathayo 23:4

Gitueyo misike mapek, mohewo ji ting’o kendo giketo e gok ji, to gin giwegi ok gimul misikego kata mana gi lith luetgi.

Johana 6:37

Ji duto ma Wuoro omiya nobi ira, kendo ng’ato ang’ata mobiro ira ok nariemb ngang’,

Johana 7:37

Chieng’ mogik mar sawo, mane en odiechieng’ maduong’ ahinya, Yesu nochung’ mowacho gi dwol maduong’ niya, “Ng’at ma riyo oloyo mondo obi ira, omodhi.

Tich Joote 15:10

Koro ere gima omiyo udwaro temo Nyasaye, kumiyo jopuonjre ting’ mapek mane kwerewa ok nyal ting’o, kata ma wan bende ok wanyal ting’o?

Tich Joote 20:35

Ne atimo kamano mondo anyisugo ni mano e kaka nyaka wati matek mondo wakonygo joma oyomno, kwaparo wach mane Ruoth Yesu owuon owacho ni, ‘Chiwo kelo gueth moloyo kawo.’ ”

Jo-Galatia 5:1

Kristo nogonyowa mondo wabed joma ni thuolo. Omiyo chung’uru motegno, mondo kik uyie chak rwak ng’utu e jok mar bedo misumba kendo.

2 Jo-Thesalonika 1:7

to noresu un muneno sandruok, kendo wan bende noreswa. Mano notimre ka Ruoth Yesu ofwenyore, koa e polo gi malaika mage man gi teko,

Jo-Hibrania 4:1

Koro Nyasaye oseweyonwa singruok ni wanyalo donjo kama entie mondo wayue kode. Omiyo watang’uru mondo ng’ato kuomwa kik par ni thuolo mar donjo e yueyono osekadhe,

Fweny 22:17

Roho gi Miaha wacho ni, “Bi!” Ng’ama owinjo, bende mondo owach ni, “Bi!” To ng’ama riyo oloyo, mondo obi oyud pi mar ngima nono, mak ochulo gimoro.