Mathayo 11:24 - MUMA MALER 2015

²⁴ Awacho ni, Chieng’ Bura to Nyasaye nokumi malit moloyo kaka nokum Sodom!”

Motingʼo Loko Manyien

²⁴ To awachonu ni chiengʼ ngʼado bura weche nobed maberber ne Sodom moloyou.”

Mathayo 11:24 ပူးပေါင်းရင်းမြစ်များ

Jeremia 23:14

To bende aseneno ka jonabi mag Jerusalem timo mana gik mamono. Giterore, to kendo giwacho miriambo, bende gijiwo joma timo richo, omiyo onge ng’ama nyalo weyo timbene maricho. Giduto gichalna gi jo-Sodom gi jo-Gomora.

Ywagruok 4:6

Kum ma joga oyudo lich moloyo kum mane okum go Sodom, nikech Sodom nolok gunda mana piyopiyo nono, ma onge ng’ama oywago.

Ezekiel 16:48

“An Ruoth Nyasaye awacho kama: Kaka an Nyasaye mangima, nyameru Sodom, gi mier matindo mokiewo kode ne ok otimo timbe mamono moromore gi mago ma in kaachiel gi mier matindo mokiewo kodi isetimo!

Mathayo 10:15

Awachonu adier ni, Chieng’ Bura, to Nyasaye nokum jodalano malit moloyo kaka nokum jo-Sodom gi jo-Gomora.

Mathayo 11:22

Awachonu ni, Chieng’ Bura to Nyasaye nokumu malit moloyo kaka nokum Turo gi Sidon.

Mathayo 23:14

Mano kaka unune malit, ka uriasoru gi lemo moyware. Mano emomiyo unuyud kum marach moloyo]

Mariko 6:11

To kamoro amora ma ji ok dwarue, to ayeuru, kendo teng’uru buch tiendu, mondo obednigi siem!”

Luka 10:12

Awachonu ni Chieng’ Bura, Nyasaye nokum dalano malit moloyo kaka nokum Sodom!