Mathayo 10:7 - MUMA MALER 2015

⁷ Kamoro amora mudhiye, to landieuru wach niya, ‘Loch Polo chiegni!’

Motingʼo Loko Manyien

⁷ Ka udhi to yaluru wach kama: ‘Pinyruodh polo ni machiegni.’

Mathayo 10:7 ပူးပေါင်းရင်းမြစ်များ

Isaya 61:1

Roho mar Ruoth Nyasaye ni kuoma, nikech Ruoth Nyasaye oseyiera, mowira mondo aland wach maber ni joma odhier. Oseora mondo akue chuny jogo ma neno masira, bende mondo ahul ni joma omaki ni koro gin thuolo, kendo ahul ni joma otue ni koro ogonygi.

Mathayo 10:8

To bende changuru joma tuo, kendo chieruru joma otho, bende puodhuru jodhoho, kendo goluru jochiende. To kaka useyudo nono bende chiwuru nono.

Mathayo 11:1

Kane Yesu osetieko puonjo jopuonjrene apar gariyo, noa kanyo modhi mondo oland Wach Maber kendo opuonji e mier machiegni gi kanyo.

Mathayo 21:31

To koro apenjou ni, kuom yawuowi ariyogo, ere ng’ama notimo gima ne wuon mare dwaro?” Ne gidwoke ni, “Wuowi matin.” Eka Yesu nowachonigi niya, “Adier awachonu ni josol osuru gi jochode kwongonu donjo e Piny Ruodh Nyasaye.

Mathayo 21:43

“Emomiyo awachonu ni Loch Nyasaye ibiro golo kuomu, kendo nomiye oganda moro manyalo nyago olemo makare. [

Mathayo 23:13

“Mano kaka unune malit, un jopuonj Chik gi jo-Farisai, ma wuondore ni ohero Nyasaye! Uchiego ni ji dhoranga Piny Ruodh Polo, to un uwegi ok udonjie, to eka joma dwaro donjoe be utamo. [

Mathayo 3:2

Ne owacho niya, “Lokuru chunyu, nikech Loch Polo chiegni.”

Mathayo 4:17

Chakre kindeno, Yesu nochako lando wach, ka nyiso ji niya, “Lokuru chunyu, nikech Loch Polo chiegni.”

Mariko 6:12

Kamano joote nodhi, molando wach ni ji mondo olokre owe richogi.

Luka 16:16

“Chik Musa kod weche jonabi ne nigi teko nyaka chop ndalo Johana, kendo chakre kanyo, Wach Maber mar Loch Nyasaye osebedo kilando, kendo ng’ato ka ng’ato riyore mondo odonjie.

Luka 9:2

Eka noorogi mondo gidhi giland Wach Loch Nyasaye, kendo gichang joma tuo.

Luka 9:6

Kamano joote nowuok mowuotho e mier duto, ka lando Wach Maber, kendo chango ji kuonde duto.

Luka 9:60

To Yesu nokone ni, “We joma otho oyik jogi motho. Into dhiyo iland Wach Maber mar Loch Nyasaye.”

Johana 3:2

nodhi ir Yesu gotieno, mowachone niya, “Rabi, wang’eyo ni in japuonj moa ka Nyasaye, nikech onge ng’at manyalo timo honni mitimogi, mak mana ka Nyasaye ni kode.”

Tich Joote 10:25

Kane Petro ochopo, Kornelio noromone, mi ogoyo chonge piny e tiende, kamiye duong’.

Tich Joote 28:31

Ne olando wach Loch Nyasaye, kendo ne opuonjo kuom Yesu Kristo, kowuoyo e lela, ma onge ng’ama otame.

Tich Joote 4:2

Chunygi nokethore ahinya nikech joote ariyogo ne puonjo ji ni Yesu nosechier kuom joma otho, manyiso ni joma otho biro chier.