Mathayo 10:37 - MUMA MALER 2015

³⁷ Ka ng’ato ohero wuon kata min gi hera matut moloyo hera moherago, to ok oromo bedo ng’ata. Kata ka ng’ato ohero wuode kata nyare moloyo kaka ohera to en bende ok oromo bedo ng’ata.

Motingʼo Loko Manyien

³⁷ “Ngʼato angʼata mohero wuon-gi kata min-gi moloya ok owinjore koda. Kamano bende, ngʼato angʼata mohero wuode kata nyare moloya ok owinjore koda;

Mathayo 10:37 ပူးပေါင်းရင်းမြစ်များ

Chakruok 21:11

Wachni nochando chuny Ibrahim ahinya, nimar Ishmael bende ne rembe.

Zekaria 13:3

Bang’ mano, ka ng’ato pod nodhi adhiya nyime gi koro wach, to wuon gi min nowachne niya, ‘Ok inichak ibed mangima kendo, nimar isewacho miriambo e nying Ruoth Nyasaye.’ Kamano wuon gi min nochwowe gi tong’, mi nege, kokoro wach.

Mathayo 22:37

Yesu nodwoke ni, “Her Ruoth Nyasachi gi chunyi duto, kendo gi paroni duto, kendo gi riekoni duto.

Mathayo 22:8

Eka nowacho ni jotichne niya, ‘Kisera koro oseikore, to joma ne oluongi ok oromo betie e kiserani.

Luka 14:26

“Ka ng’ato obiro ira, to ok ojwang’o wuon kod min, gi chiege gi nyithinde koda ka ngimane owuon, to ok onyal doko japuonjrena.

Luka 20:35

to chwo gi mon moyier mondo ochopi e piny mabiro, kendo ochier kuom joma otho, ok kendre.

Luka 21:36

Omiyo beduru motang’ kulemo pile mondo uyud teko mar tony e gik mabiro timore duto, kendo uchung’ e nyim Wuod Dhano.”

Johana 5:23

mondo ji duto omi Wuowi duong’ mana kaka gimiyo Wuoro. Ng’at ma ok mi Wuowi duong’, to ok mi Wuoro mane ooro Wuowi duong’.

Rapar mar Chik 33:9

Hera mane giherigo oloyo hera mane giherogo wuonegi gi minegi kod owetegi, kata nyithindgi, nikech ne giluwo mana chikeni, mi girito singruok mari maber.

Fweny 3:4

Kata kamano, pod in gi ji manok e dala mar Sarde ma ok osechido lepgi. Gin giniwuoth koda gi lewni marachere, nikech mano ema owinjore kodgi.

1 Samuel 2:29

Ang’o momiyo koro uchayo misengni maga gi mich masechiko? Imiyo yawuoti duong’ moloyo an awuon, kiweyo gichamo lemo mabeyo mag mich ma joga Israel kelo, mi gidoko machwe.