Mathayo 1:21 - MUMA MALER 2015

²¹ Obiro nywolo wuowi, mi ichak ni Yesu, tiende ni Jawar, nikech enowar joge kuom richogi.”

Motingʼo Loko Manyien

²¹ Obiro nywolo wuowi, kendo nyaka imiye nying ni Yesu, nikech obiro waro joge kogolo e richo.”

Mathayo 1:21 ပူးပေါင်းရင်းမြစ်များ

Chakruok 17:19

To Nyasaye nodwoke niya, “Ooyo, Sara chiegi ema biro nywoloni wuowi, kendo inichak nyinge ni Isaka. Anachop singruok ma asetimo kode, kaachiel gi nyikwaye bende, nikech en singruok mosiko.

Chakruok 17:21

To anarit singruok ma asetimo kod Isaka wuodi ma Sara biro nywolo e kinde makama e higa mabiro.”

Chakruok 18:10

Wendono nowachone niya, “Anaduog iri e kinde makama higa mabiro, kendo nanwang’ ka Sara chiegi osenywolo nyathi ma wuowi.” To kara Sara nowinjo wachno kobet e dho hema e ng’e wendo.

Jeremia 23:6

E ndalo lochne, jo-Juda nodag gi kue, kendo jo-Israel bende nodag maonge ng’ama chandogi. Ginichak ruodhno ni ‘Ruoth Nyasaye ma resowa.’ ”

Jeremia 33:16

E ndalogo nores jo-Juda, kendo jo-Jerusalem nodag gi kue. Omiyo ginichak dalagi ni, ‘Ruoth Nyasaye moresowa.’

Daniel 9:24

“Nyasaye oseketo ni jou gi dalau higni mia ang’wen gi piero ochiko mondo kethogi gi richogi orumie. Bang’e nowe ni ji richogi, kendo nogur tim makare mosiko mondo weche mag fweny gi weche makare otimre adier, eka opwodh Kama Ler Moloyo.

Zekaria 9:9

Un jo-Sayun, beduru mamor! Koguru matek, yaye jo-Jerusalem, nimar ruodhu biro iru, kolocho. Obiro komuol, kendo koidho kanyna. Chutho oidho kanyna matin. Adier, en mana nyathi kanyna.

Mathayo 1:25

to ne ok oriwore kode nyaka onywolo wuode. Josef nochako wuowino ni Yesu.

Luka 1:13

To malaika nowachone niya, “Kik ibed maluor, Zekaria! Nyasaye osewinjo kwayoni, kendo Elizabeth chiegi biro nywoloni nyathi ma wuowi, michak ni Johana.

Luka 1:31

Ibiro mako ich, kendo ninywol nyathi ma wuowi, michak nyinge ni Yesu.

Luka 2:11

Kawuono osenywolnu Jawar e dala Daudi. En Mesia ma Ruoth.

Luka 2:21

Bang’ ndalo aboro, kinde nochopo mondo oter nyathi nyangu, mi nochake ni Yesu, nying mane malaika osechake kapok omak ichne.

Johana 1:29

Kinyne, Johana noneno Yesu kabiro ire, mowacho ni, “Neuru! Jalcha e Nyarombo Nyasaye, magolo richo mag piny!

Johana 4:42

Omiyo ne giwacho niya, “Koro wayie, to ok nikech gima nyocha iwacho, to mana nikech wasewinje gi itwa wawegi, kendo koro wang’eyo ni en Jawar mar piny.”

Tich Joote 13:23

“Yesu ma nyakwar Daudi ema Nyasaye otimo Jawar jo-Israel, kaka nosingore.

Tich Joote 3:26

Un ema Nyasaye nokwongo ooronu jotichne mondo oguedhu, komiyo ulokoru uduto, kuweyo yoreu maricho.”

Tich Joote 4:12

En kende ema ji yudo warruok kuome, nimar onge ng’at moro machielo e piny ngima ma Nyasaye osechiwo nyinge ni ji mondo oyudie warruok.”

Tich Joote 5:31

En ema Nyasaye osekete e bade korachwich kaka Jatelo kendo Jawar, mondo omi jo-Israel olokre mondo owenigi richogi.

Tito 2:14

En ema ne ochiwore owuon nikech wan, mondo oreswa e richo duto, kendo opuodhwa wabed joge moyiero, mondo watim timbe mabeyo.

Jo-Hibrania 7:25

Kuom mano en gi teko mochwere mar reso jogo makadho kuome kasudo ir Nyasaye, nikech ongima nyaka chieng’ mondo okwanigi Nyasaye.

1 Johana 1:7

To ka wawuotho e ler kaka Nyasaye ni e ler, to wan e achiel ng’ato gi ng’ato, kendo remb Yesu Wuode pwodhowa kuom richowa duto.

1 Johana 3:5

Ung’eyo ni Kristo nofwenyore mondo ogol richowa. En to oonge gi richo.

Fweny 7:14

To ne adwoke ni, “Jaduong’, in ema ing’eyo.” Eka ne owachona niya, “Magi e joma oseneno Sand Maduong’. Giselwoko lepgi e remb Nyarombo, mi gimiyo odoko marachere.

Jong’ad Bura 13:3

Chieng’ moro malaika mar Nyasaye nofwenyore ni chiegeno, mowachone niya, “In dhako ma migumba ma onge nyathi, to ibiro mako ich, mi inywol nyathi ma wuowi.

1 Samuel 1:20

Nomako ich, kendo kane ndalo ogik, nonywolo wuowi, mi owacho niya, “Achake ni Samuel, nikech ne akwaye Ruoth Nyasaye.”