Mariko 9:32 - MUMA MALER 2015

³² Ne ok giwinjo tiend wachno to bende ne giluoro penje.

Motingʼo Loko Manyien

³² To ne ok giwinjo tiend gimane onyisogi, to bende negiluor mar penje mondo gingʼe tiende.

Mariko 9:32 ပူးပေါင်းရင်းမြစ်များ

Luka 18:34

To jopuonjrene ne ok owinjo tiendn wechego kata achiel, nikech nopandnigi tiende. Kamano ne ok ginyal ng’eyo gima Yesu wacho.

Luka 9:45

To jopuonjrene ne ok owinjo tiend wachno. Ne opandorenigi mondo kik ging’e tiende, to bende ne giluoro penje.

Luka 2:50

To ne ok giwinjo tiend gima ne owachonigi.

Johana 16:19

To Yesu nong’eyo ni gidwaro penje wachno, omiyo nowachonigi niya, “Ang’o ma upenjoru? Koso en gima awachonu ni, bang’ kinde matin ok ubi nena, eka achien bang’ kinde matin unuchak unena kendo?

Johana 12:16

E kindeno jopuonjrene ne ok ong’eyo tiend wachno, to achien, kane Yesu oseyudo duong’ne maler, eka ne giparo ni ji osetimone kamano,

Mariko 9:10

Ne gimako wachno to ne gipenjore kendgi giwegi ni, chier kuom joma otho mowachono to tiende ang’o.

Johana 4:27

E sano jopuonjre Yesu nodwogo, kendo ne giwuoro ka gineno kowuoyo gi ng’ama dhako. To onge ng’ama nopenje gima odwaro kuom dhakono, kata gima omiyo owuoyo kode.

Luka 24:45

Eka nomiyogi rieko mar winjo tiend weche mondiki e Muma,

Mariko 16:14

Bang’e mogik, Yesu nofwenyore ni jopuonjrene apar gachiel kane oyudo gichiemo. Noseyogi nikech ne gisedagi yie, kendo nikech chunygi ne tek, ma ok ginyal yie wach joma ne onene kosechier.

Mariko 8:33

To Yesu nolokore, morango, jopuonjrene, mi okwero Petro niya, “Aye nyima Satandni, nikech paro mari ok paro mar Nyasaye, to mana mar dhano.”

Mariko 7:18

Ne odwokogi kopenjogi niya, “Kara un bende uonge gi rieko? Ok ung’eyo ni gimoro man oko, kodonjo ei dhano to ok nyal miyo odok jaketho,