Mariko 9:3 - MUMA MALER 2015

³ Lepe ne rieny matar mokadho, ma onge jaluoko e piny ngima ma diluok lewni mi rieny maler kamano.

Motingʼo Loko Manyien

³ mi lepe nolokore rachar marieny macharo wangʼ, nodoko rachar dherr maonge ngʼato angʼata e piny mangima mane nyalo luoko law mi rieny maler kamano.

Mariko 9:3 ပူးပေါင်းရင်းမြစ်များ

Zaburi 51:7

Golna richona, eka abed maler, kendo lwoka mondo abed matar moloyo pe.

Zaburi 68:14

Kane Nyasaye Manyalo Gik Moko Duto okeyo ruodhi e got Zalmon, ne omiyo pe ochue kanyo.

Isaya 1:18

Ruoth Nyasaye wacho niya, “Koro biuru, wapor wach kaachiel. Kata obedo ni richou kwar manade, to ginidog matar ka pe. Adier, kata ka gikwar ka remo, to ginibed marachar ka pamba.

Daniel 7:9

Kane oyudo pod ang’icho, kombe mag loch ne oket kanyo. Eka ng’at moro machon ma nyaka nene, ne obet e kom achiel. Lepe ne tar ka pe, kendo yie wiye ne chalo gi yie rombo marachar thiriri. Kome ne en mana mach maliel, kendo ne en gi tiende motimo mach mosiko ka liel aliela.

Mathayo 28:3

Kit malaikano ne chalo gi mil polo, kendo lawe ne tar ka pe.

Mariko 9:4

Eka ne gineno Elija gi Musa ka jowuoyo gi Yesu,

Luka 9:29

To kane oyudo olemo, lela wang’e nolokore, kendo lepe nodoko matar mang’ang’ni.

Tich Joote 10:30

Kornelio nodwoke niya, “Ndalo adek mokadho, ne oyudo alemo e oda kar sa ochiko mar odhiambo. To ne apo ka ng’at moro morwako lewni mang’angni ochung’ e nyima,

Fweny 19:18

mondo ucham ring ruodhi, gi ring jodong lweny, gi ring joma rateke, kod ring farese gi joma idhogi, kaachiel gi ring ji duto, joma ni thuolo gi wasumbini, joma tindo gi joma dongo.”

Fweny 7:14

To ne adwoke ni, “Jaduong’, in ema ing’eyo.” Eka ne owachona niya, “Magi e joma oseneno Sand Maduong’. Giselwoko lepgi e remb Nyarombo, mi gimiyo odoko marachere.

Fweny 7:9

Bang’ mano, ne ang’icho mi aneno ji mang’eny mokadho akwana moa e pinje duto gi dhoudi duto kod ogendini duto. Ne gichung’ e nyim kom duong’, kendo e nyim Nyarombo, ka girwakore gi lewni marachere, kendo giting’o othidhe e lwetgi.