Mariko 8:18 - MUMA MALER 2015

¹⁸ Un gi wenge, to marang’o ok unyal neno? Bende un gi it, to ere gimomiyo ok unyal winjo?

Motingʼo Loko Manyien

¹⁸ Marangʼo un gi wengeu to ok unyal neno, kendo un gi it to ok unyal winjo? Donge uparo gik mane atimo?

Mariko 8:18 ပူးပေါင်းရင်းမြစ်များ

Zaburi 69:23

Wang’gi mondo oimre, kik ginen, kendo imi dendgi osik ka kirni.

Isaya 44:18

Joma kamago ok ong’eyo gimoro, bende ok giwinj tiend gik moko. Wengegi odinore ma ok ginyal neno, kendo chunygi thanythany ma ok ginyal fwenyo tiend gimoro.

Jeremia 5:21

“Winjuru un joma ofuwo, man gi wenge, to ok nen, bende man gi it, to ok nyal winjo.

Ezekiel 12:2

“In wuod dhano, idak e kind joma jopiem. Gin gi wenge to ok ginyal neno gimoro, bende gin gi it, to ok ginyal winjo wach, nikech gin joma wigi tek.

Mariko 4:12

‘Kata da ging’ichi manadi, to ok ginyal ng’eyo, kendo kata da giwinji manadi, to wach ok nyal donjonigi, nimar dipo ka giloko chunygi, mi owenigi richogi’.”

Johana 12:40

“Nyasaye oseimo wang’gi, kendo osemiyo wigi odoko mapek. Ka dine ok otimo kamano, to dikoro gineno gi wengegi, kendo dikoro giparo gi wigi, mi gilokre mondo ochanggi.”

Jo-Rumi 11:8

mana kaka Muma wacho ni, “Nyasaye osemiyogi chuny ma nindo otero. Kamano wang’gi ok nen, kendo itgi ok winj wach, nyaka chil kawuono.”

Rapar mar Chik 29:4

to kata kamano, nyaka chop sani Ruoth Nyasaye pok omiyou chuny mar ng’eyo, kata wang’ mar neno, kata it mar winjo.

2 Jo-Thesalonika 2:5

Donge unyalo paro ni kane pod an kodu, to ne anyisou wachni?

2 Petro 1:12

Kuom mano, abiro paronu wechego pile, kata obedo ni useng’eyogi, kendo uguroru motegno kuom adiera ma useyudo.