Mariko 7:36 - MUMA MALER 2015

³⁶ To Yesu nokwero ji ni kik ginyis ng’ato wachno, to kaka nomedo kwerogino e kaka ne gimedo lando wachno.

Motingʼo Loko Manyien

³⁶ Yesu nochiko joma nenikanyo ni kik ginyis ngʼato wachni. To kaka nomedo kwerogino e kaka gin bende negimedo lando wachno.

Mariko 7:36 ပူးပေါင်းရင်းမြစ်များ

Mathayo 8:4

Eka Yesu nowachone niya, “Kik ihul ni ng’ato wachni, to dhiyo ir jadolo mondo orang dendi. Bang’e itim misango mane Musa ogolo chikne mondo otim. Mano biro nyiso ji duto ni koro ichango.”

Mariko 8:26

Bang’ mano, Yesu noweye odok dalane, kokwere ni kik odog e dala mar Bethsaida.

Mariko 5:43

To Yesu nokwerogi matek mondo kik ginyis ngato wachno. Eka nowachonigi ni mondo gimi nyathino chiemo ocham.

Mariko 3:12

To Yesu nokwerogi matek mondo kik gihul ni en ng’a.

Mariko 7:35

Gikanyono, it ng’atno noyawore, kendo lewe nogonyore, mi ochako wuoyo maber.

Mariko 7:37

Kendo ji duto mane owinjo, nodhier nono, kawacho niya, “Mano kaka otimo gik moko duto maber! Kata mana joma itgi odino omiyo winjo wach, kendo joma momo omiyo wuoyo!”

Mariko 9:9

Kane oyudo gilor gia e got, Yesu nokwerogi ni kik giwach ni ng’ato gima giseneno nyaka chop chieng’ ma Wuod Dhano nochierie koa kuom joma otho.