Mariko 6:34 - MUMA MALER 2015

³⁴ Kane Yesu ochopo, mi owuok e yie, noneno oganda maduong’no, mi okechogi, nimar ne gichalo rombe ma onge jakwath. Kuom mano, nopuonjogi weche mang’eny.

Motingʼo Loko Manyien

³⁴ Kane Yesu ogowo loka, noneno oganda maduongʼ, nokechogi nikech ne gichal kaka rombe maonge gi jakwath. Omiyo nochako puonjogi gik mangʼeny.

Mariko 6:34 ပူးပေါင်းရင်းမြစ်များ

1 Ruodhi 22:17

Mikaya nowacho niya, “Naneno jo-Isarel duto koke e gode, ka rombe maonge jakwath; kendo nawinjo ka Ruoth Nyasaye wacho niya, ‘Jogi onge gi wuon-gi, we mondo gidog e miechgi gi kue.’ ”

2 Weche mag Ndalo 18:16

Mikaya nowacho niya, “Naneno jo-Israel duto koke e gode ka rombe maonge jakwath, kendo nawinjo ka Ruoth Nyasaye wacho niya, ‘Jogi onge gi wuon-gi, we mondo gidog e miechgi gi kue.’ ”

Isaya 13:14

Bang’ mano, ng’ato ka ng’ato nodog thurgi ir joodgi, mana ka le ma jodwar lawo, kata ka rombe moke ma onge ng’ama chiko.

Jeremia 50:6

“Joga chalo gi rombe molal ma jokwadhgi owito e gode. Gisebayo ka rombe maa got moro kadhi e got machielo, kendo wigi osewil gi kuma dalagi nitie.

Ezekiel 34:5

Koro kaka rombe onge gi jokwath, giseke mi ondiegi osenegogi kendo ochamogi.

Zekaria 10:2

Nyiseche manono wacho weche maonge tiendgi, kende ajuoke neno ranyisi mag miriambo. Gileko lek ma ok adiera, kendo giwacho weche mawito ji. Mano emomiyo ji bayo abaya ka rombe, kendo githagore nikech gionge jakwath.

Kwan 27:17

mondo otel nigi e gik moko duto ma gitimo, kendo oritgi ka giwuok kendo ka giduogo dala, mondo oganda Ruoth Nyasaye kik bed ka rombe maonge jakwath.”

Mathayo 14:14

Omiyo kane Yesu owuok e yie, noneno ji mathoth, kendo nokechogi, mochango joma tuo kuomgi.

Mathayo 15:32

Yesu noluongo jopuonjrene, mowachonigi niya, “Akecho jogi, nikech gisebet koda kuom ndalo adek, to koro gionge chiemo. To ok adwar weyogi gidog ka gidenyo kamano, nimar dipo ka nong’no oterogi e yo.”

Mathayo 9:36

Kane oneno ji kaka ng’eny, nokechogi, nikech ne gichandore, kendo gidiwo mana ka rombe ma onge jakwath.

Mariko 6:33

To ji mang’eny nonenogi kagidhi, mi ong’eyogi. Omiyo ji nowuok e mier duto, moringo kalworo oko, mi okwongo ni Yesu gi jootene chopo kuma ne gidhiye.

Mariko 6:35

Kane piny koro dwaro yuso, jopuonjrene ne obiro ire, mowachone niya, “Piny koro yuso, kendo kaeri en thim.

Mariko 8:1

Bang’ ndalo matin, oganda moro machielo maduong’ nochako ochokore, to ne gionge gi chiemo. Omiyo Yesu noluongo jopuonjrene, mowachonigi niya,

Mariko 8:2

“Akecho jogo nikech gisebet koda kuom ndalo adek to koro gionge gi chiemo.

Luka 9:11

To ji nofwenyo kamano, moluwe kuno. Ne orwakogi gi mor, mowuoyo kodgi kuom wach Loch Nyasaye, kendo ochango joma tuo.

Jo-Hibrania 2:17

Mano emomiyo nyaka ne obed machalo gi owetene e yore duto, mondo odog jadolo maduong’ mang’won kendo maradier, matiyo e nyim Nyasaye, katimo misango migologo richo mag jo-Nyasaye.

Jo-Hibrania 4:15

Wan gi Jadolo Maduong’ manyalo kecho nyawowa nikech noteme e yore duto ma wan bende itemowae, to ne ok otimo richo.