Mariko 6:2 - MUMA MALER 2015

² Kane chieng’ Sabato ochopo, nochako puonjo e od lemo. Ji mang’eny nochokore kanyo, kendo kane giwinjo kaka opuonjo, ne giwuoro ahinya, mi gipenjore niya, “Ere kuma ng’ani oyudoe wechegi duto? Mano rieko manade momiyeno? Ere kaka otimo honnigi duto?

Motingʼo Loko Manyien

² To ka Sabato nochopo nochako puonjo ei sinagogi. Ji mangʼeny mane owinje nohum nono, ka gipenjore ni, “Ngʼatni ogolo gigi kure? Koso rieko manade mosemiyeni, momiyo otimo koda ka honni?

Mariko 6:2 ပူးပေါင်းရင်းမြစ်များ

Mathayo 4:23

Yesu nowuotho e piny Galili duto, ka puonjo ji e utgi mag lemo. Nolando Wach Maber mar Loch Nyasaye, kendo nochango ji duto man gi tuoche mopogore opogore.

Mathayo 7:28

Kane Yesu osetieko wacho wechego duto, ji ne owuoro puonjne,

Mariko 1:39

Kamano nowuotho e piny Galili duto, kolando Wach Maber e ut lemo, kendo ogolo jochiende.

Mariko 10:1

Yesu noa kuno, modhi e piny Judea nyaka loka aora Jordan. Ji mathoth nochako obiro ire, kendo ne opuonjogi kaka ne ojatimo.

Luka 2:47

Ji duto mane owinjo wechene ne ohum nono kuom riekone kod duokone.

Luka 4:15

Ne opuonjo e ut lemo, kendo ji duto ne opuoye ahinya.

Johana 6:42

To ne gipenjore ni, “Jali ok e Yesu wuod Josef koso? Donge wang’eyo wuon mare? To ere kaka onyalo wacho ni olor oa e polo?”

Johana 7:15

Jodong jo-Yahudi nowuoro, kawacho ni, “Ere kuma ng’atni oyudoe rieko makama, to ok osomo?”