Mariko 4:40 - MUMA MALER 2015

⁴⁰ Bang’ mano, Yesu nopenjo jopuonjrene niya, “Ang’o momiyo uluor? Koso pod ok uyie?”

Motingʼo Loko Manyien

⁴⁰ Bangʼ mano Yesu nowachone jopuonjrene niya, “Angʼo momiyo uluor kamano? Pod uonge mana gi yie?”

Mariko 4:40 ပူးပေါင်းရင်းမြစ်များ

Isaya 42:3

Kata mana odundu motore ok notur mi owiti ka gima nono, bende ok nosim kata mana taya maliel marachrach, to enong’ad bura mana gi adiera.

Isaya 43:2

Ka ukadho e pige matut, to an kodu. Adier, ka ng’ado aore, to ok giniteru, bende kata ka uwuotho e mach mang’ang’ni to ok unuwang’,

Mathayo 14:31

Yesu norieyo lwete piyopiyo, momake, ka wachone ni, “Yaye! Mano kaka in gi yie matin! Marang’o niriwo gi kiawa?”

Mathayo 16:8

Yesu nong’eyo gima giwacho, omiyo nopenjogi niya, “Ere gima omiyo uwacho ni ne ok ubiro gi makati? Mano kaka yie ma un go tin!

Mathayo 6:30

To ka lum aluma mae thim, ma kawuono nitie, to kiny ipudho kendo ibolo e mach, ema Nyasaye rwako maber kamano, to koro donge doket chunye moloyo kuom rwakou? Yaye, un joma nigi yie matin-gi!

Mathayo 8:26

Yesu nodwokogi kapenjogi ni, “Ere gima omiyo uluor, un joma nigi yie matin-gi?” Eka noa malo, mokwero ahiti kod apaka, mi nam okue thi!

Mariko 4:41

To ne giluor ahinya, mi gipenjore niya, “Ma en ng’ama nadi, ma kata mana yamo gi apaka bende winje awinjani!”

Luka 8:25

Bang’ mano, nopenjo jopuonjrene niya, “Ere yie ma un-go?” To ne giluor, kendo ne giwuoro, mi gipenjore niya, “Ma en ng’ama nadi, makwero kata mana yamo gi apaka, to winje awinjani!”