Mariko 4:31 - MUMA MALER 2015

³¹ Ochal gi koth karadali, ma en kodhi matinie moloyo. Ka ng’ato okawe, mopidhe,

Motingʼo Loko Manyien

³¹ Ochal gi koth karadali ma en e kodhi matinie mogik mikomo e puodho.

Mariko 4:31 ပူးပေါင်းရင်းမြစ်များ

Isaya 53:12

Kuom mano, anamiye pok kaachiel gi joma dongo, kendo enopog gik moyaki gi joma rateke, nimar ne ochiwore chuth, mi otho, kendo ne okwane kaka achiel kuom joricho, nikech ne oting’o richo ji mang’eny, kochung’ kar joricho e nyim Nyasaye.

Isaya 53:2

Jatich Ruoth Nyasaye nodongo e nyime mana ka yath ma tiendene nie lowo motwo. Ne oonge gi chia, bende ne oonge gi duong’ moro, mane nyalo mako wang’wa, mi mi wahere.

Isaya 60:22

Ji manok nolokre gana apar, kendo oganda matin nolokre oganda maduong’. An Ruoth Nyasaye anami gino timre piyopiyo nono, ka kindene ochopo.

Isaya 9:7

Lochne nobed maduong’, kendo kue mokelo nobed maonge giko. Enobed e kom Daudi kendo norit pinye gi adiera kod tim makare mondo ogurre obed motegno. Chakre kawuono nyaka chieng’, Ruoth Nyasaye Manyalo Gik Moko Duto oseketo chunye mondo otim gigo.

Zekaria 12:8

“Chieng’no an Ruoth Nyasaye nabed okumba ni jo-Jerusalem, mi kata mana ng’ama yomyomie moloyo kuomgi nobed motegno ka Daudi, kendo joka Daudi nobed jotend ji mana kaka Nyasaye kata malaika mare.

Zekaria 2:11

Chieng’no ogendini mang’eny nobi ir Ruoth Nyasaye mi bed joge kendo enodag e kindu

Malaki 1:11

Ji manie tung’ piny koni gi koni miyo nyinga duong’. Giwang’ona ubani mang’ue ng’ar kuonde duto, kendo gichiwona misengni ma ayiego. Giduto gimiyo nyinga duong’.

Mariko 4:30

Bende nopenjo niya, “Ere gima dwapimgo Loch Nyasaye? Koso ngero mane ma dwanyisgo kaka ochal?

Mariko 4:32

to odongo kendo odoko yath maduong’ie moloyo yien duto. Bedene yarore madongo, kendo winy nyalo biro, mi yue e tipone.”

Luka 17:6

To Ruoth nowachonigi niya, “Da bed ni un gi yie kata matin marom gi koth karadali, to da uwacho ni yadhni ni, ‘Pudhri, mondo idhi ipidhri e nam,’ mi dowinjou.

Tich Joote 19:20

Kuom yore machalo kamago, Wach Ruoth nosiko ka landore alanda, kendo medore gi teko.

Tich Joote 2:41

Kamano, joma ne oyie gi wachne ne obatisi, mi chieng’no ji alufu adek nomedre e kanyakla margi.

Tich Joote 21:20

Bang’ winjo wechego, ne gimiyo Nyasaye duong’ eka ne giwacho ni Paulo ni, “Owadwa, ineno kaka jo-Yahudi gana gi gana oseyie kuom Yesu, kendo giduto giketo chunygi matek kuom rito Chik Musa.

Tich Joote 4:4

To joma thoth kuom ji mane owinjo wach Petro gi Johana noyie, kendo kar romb joma chwo duto moyie koro ne dirom alufu abich.

Tich Joote 5:14

To ji mang’eny moyie kuom Ruoth, nomedore ameda kuomgi. Ne gin chwo gi mon.

Fweny 11:15

Eka malaika mar abiriyo nogoyo tung’ne, kendo dwol moko nokok matek e polo kawacho niya, “Loch mar pinyni koro osedoko mar Ruodhwa kod Mesia mare, kendo obiro locho nyaka chieng’.”