Mariko 4:20 - MUMA MALER 2015

²⁰ Jomoko to chalo gi kodhi mochwo e lowo maber. Giwinjo wach, mi giyiego, kendo ginyak maber, mana ka kodhi, ma moko nyak piero adek, to moko piero auchiel, kendo moko mia achiel.”

Motingʼo Loko Manyien

²⁰ Moko to chal mana gi kodhi mochuo e lowo maber, giwinjo Wach mi girwaki. Kendo ginyak maber mana ka kodhi manyak nyadi piero adek, nyadi piero auchiel, nyaka nyadi mia achiel.”

Mariko 4:20 ပူးပေါင်းရင်းမြစ်များ

Chakruok 26:12

E higano, Isaka nopuro, mi nokayo cham moloyo ma nochwoyo nyadi mia, nikech Ruoth Nyasaye noguedhe.

Mathayo 13:23

To kodhi mane ochwo e lowo maber e ng’at ma winjo wach, kendo donjone. Onyak maber, mana ka kodhi ma moko nyak mia achiel, to moko piero auchiel, kendo moko piero adek.”

Mathayo 13:8

To kodhi moko nolwar e lowo maber, omiyo ne ginyak. Moko nonyago kodhi mia achiel, to moko piero auchiel, to moko piero adek.”

Mariko 4:8

To kodhi moko nolwar e lowo maber, omiyo ne gitwi, mi gidongo, kendo ginyak. Moko nonyago kodhi piero adek, to moko piero auchiel, kendo moko mia achiel.”

Luka 8:15

To kodhi mane olwar e lowo maber, gin joma winjo wachno gi chuny makare kendo malong’o, kendo gimake matek, nyaka chop ginyagi.

Johana 15:16

Un ne ok uyiera, to an ema ne ayierou, mi awalou mondo udhi unyag olemo, kendo mondo olemo munyagono osiki, mondo Wuora omiu gimoro amora mukwaye e nyinga.

Johana 15:2

Bedena duto ma ok nyag olemo, ong’ado oko, to bede duto ma nyago olemo olwero maler mondo omed nyak.

Jo-Rumi 7:4

Owetena, un bende uchalo kamano. Ne udoko fuond ringre Kristo, omiyo Chik onge gi teko kuomu, nikech uchalo joma otho. Mano notimore mondo ubed jo-ng’at machielo, ma en Jal mane ochier oa kuom joma otho, mondo wan duto wanyag olemo ni Nyasaye.

Jo-Filipi 1:11

ka ngimau ogundho gi timbe mabeyo duto ma Yesu Kristo kende ema nyalo chiwo mondo Nyasaye oyud duong’ gi pak.

Jo-Kolosai 1:10

Kamano unudag e ngima mamiyo Ruoth duong’, kendo unutim gik malong’one e yore duto, kunyago olemo mag timbe mabeyo duto, kendo kumedo ng’eyo Nyasaye.

1 Jo-Thesalonika 4:1

To koro mogik, owetewa, wan kod gimoro achiel monego wakwau kaka jo-Kristo wetewa. Wakwayou ni mondo ngimau obed moluwore gi puonj mane wamiyou. Ne wanyisou kaka onego uwuothi mondo ubed malong’o ni Nyasaye, kendo adier mano e kaka uwuotho, to kata kamano wajiwou mondo umed timo kamano moloyo.

2 Petro 1:8

Ka un gi michgo, kendo umedo bedo kodgi mogundho, to gibiro miyou teko, kendo gibiro miyo unyag olemo mabeyo, kumedo ng’eyo Ruodhwa Yesu Kristo.